Gondia News | Latest Gondia News in Marathi | Gondia Local News Updates | ताज्यबातम्या गोंदिया | गोंदिया समाचार | Gondia Newspaper

राजकुमार बडोले : कारंजा पोलीस मैदानात शासकीय ध्वजारोहणगोंदिया : केंद्र व राज्य शासनाच्या विविध लोककल्याणकारी योजना आहेत. या योजनांची जिल्ह्यात प्रभावी अंमलबजावणी करुन जिल्ह्याच्या सर्वांगीण विकासासाठी कटिबद्ध असल्याची ग्वाही पालकमंत्री राजकुमार बडोले यांनी दिली.भारतीय स्वातंत्र्याच्या ६९ व्या वर्धापन दिनाचे मुख्य शासकीय ध्वजारोहण पालकमंत्री बडोले यांनी कारंजा पोलीस कवायत मैदान येथे केले. याप्रसंगी उपस्थितांना संबोधित करताना ते बोलत होते. कार्यक्रमाला जिल्ह्याचे पालक सचिव डॉ. पी.एस. मीना, जिल्हा परिषद अध्यक्ष उषा मेंढे, आमदार गोपालदास अग्रवाल, जिल्हाधिकारी डॉ. विजय सूर्यवंशी, जिल्हा परिषद मुख्य कार्यकारी अधिकारी दिलीप गावडे, पोलीस अधीक्षक शशीकुमार मीना, जिल्हा परिषद आरोग्य व शिक्षण सभापती पी.जी.कटरे, पंचायत समिती सभापती स्नेहा गौतम, जिल्हा परिषद सदस्य सीमा मडावी, भाजपा जिल्हाध्यक्ष विनोद अग्रवाल प्रामुख्याने उपस्थित होते.पुढे बोलताना पालकमंत्री बडोले यांनी, सन २०१४-१५ या वर्षात नैसर्गिक आपत्तीने बाधित झालेल्या शेतकऱ्यांनी घेतलेल्या अल्पमुदत कर्जाचे मध्यम मुदतीच्या कर्जात रुपांतर करण्यात येईल. जलयुक्त शिवार अभियानात यंत्रणा आणि लोकसहभागातून जिल्ह्यातील ९४ गावात ९१६ कामे पूर्ण करण्यात आली आहे. त्यामुळे भूगर्भातील पाणीसाठ्यात वाढ होऊन शेतकऱ्यांना संरक्षित सिंचनाची व्यवस्था निर्माण झाली आहे.तर भारतरत्न डॉ. बाबासाहेब आंबेडकर यांची १२५ वी जयंती देशभर सामाजिक न्याय व समता वर्ष म्हणून साजरी करण्यात येणार असून यासाठी राज्य सरकारने १२५ कोटींची तरतूद केली असल्याचे सांगीतले. तसेच बार्टीमार्फत राज्यातील ५० विद्यार्थ्यांना युपीएससीच्या मुख्य परीक्षेच्या तयारीसाठी दिल्ली येथे पाठविण्यात आले आहे. समाजातील वंचित, दुर्लक्षित, उपेक्षित व मागास घटकांना विकासाच्या मुख्य प्रवाहात आणण्यासाठी कटिबद्ध असल्याचे त्यांनी सांगितले.पुढे बोलताना बडोले यांनी, सावकारी कर्जमाफी योजनेंतर्गत जिल्ह्यातील २७४५ शेतकऱ्यांना लवकरच सावकारी कर्जातून मुक्त करणार असल्याचे सांगत, जिल्ह्यातील बँकांनी खरीप हंगामात १३४ कोटी ५३ लाख रुपयांचे पीक कर्ज वाटप केले आहे. अटल पेन्शन योजना, जीवन ज्योती योजना व पंतप्रधान सुरक्षा विमा योजनेचा लाभ जिल्ह्यातील जास्तीत जास्त नागरिकांनी घ्यावा, असे आवाहनही त्यांनी याप्रसंगी केले.गोंदिया-भंडारा व गडचिरोली जिल्ह्यासाठी वीज वितरण कंपनीच्या मुख्य अभियंत्याचे कार्यालय गोंदिया येथे लवकरच सुरू होणार असल्याचे सांगून ते म्हणाले, महात्मा गांधी राष्ट्रीय ग्रामीण रोजगार हमी योजना जिल्ह्यातील मजुरांना रोजगार उपलब्ध करून देण्यासोबतच त्यांची आर्थिक व सामाजिक स्थिती सुधारण्यास महत्वपूर्ण ठरली आहे.जिल्ह्यातील पर्यटन स्थळांचा विकास करुन जास्तीत जास्त स्थानिकांना रोजगार उपलब्ध करून देण्याचा आपला प्रयत्न असल्याचे सांगून जिल्ह्यात आरोग्य सेवेच्या माध्यमातून जागतिक दर्जाच्या शीर्ष सेवा भविष्यात उपलब्ध करून देण्यासाठी प्रयत्नशील असल्याची ग्वाही पालकमंत्री बडोले यांनी यावेळी दिली. स्वातंत्र्यदिनाच्या या शासकीय कार्यक्रमाला याप्रसंगी ज्येष्ठ नागरिक, विविध विभागाचे प्रमुख अधिकारी, कर्मचारी व विद्यार्थी मोठ्या संख्येने उपस्थित होते. (शहर प्रतिनिधी)विविध क्षेत्रातील व्यक्तींचा सत्कारविविध क्षेत्रातील व्यक्तींचा गौरवपूर्ण कार्याबद्दल पालकमंत्री राजकुमार बडोले यांच्या हस्ते सत्कार करण्यात आला. तिरोडा येथील मृतक ललिता रंगारी यांच्या कायदेशीर वारसांना दोन लाख रुपये मुख्यमंत्री मदतनिधीचा धनादेश देण्यात आला. राज्य पुरस्कार प्राप्त स्काऊट/गाईड सरस्वती महिला विद्यालय पुनाटोली येथील दिपाली शेंडे, रिया चव्हाण, प्रतीक्षा डोंगरे, प्रतीक्षा गजभिये, दीप्ती डोहरे तसेच आदिवासी विकास हायस्कूल खजरी डोंगरगाव येथील उत्तम भोयर, हेमकृष्ण मांदाळे, राहूल कुसराम, हेमेंद्र भोयर, साहिल गोस्वामी, रोहित लसवंते यांना प्रमाणपत्र देण्यात आले. राष्टीय प्रज्ञा शोध परीक्षेत राष्ट्रीयस्तरावर शिष्यवृत्तीधारक ठरलेल्या हर्षल रामटेके व अनिश पटेल यांचा सत्कार करण्यात आला. जिल्हा माहिती कार्यालय व स्टडी सर्कलच्यावतीने ९ आॅगस्ट रोजी गोंदिया जिल्ह्यातूनसुद्धा घडेल प्रशासकीय अधिकारी या अभिनव उपक्रमांतर्गत जिल्हास्तरीय सामान्य ज्ञान परीक्षा-२०१५ मध्ये प्रथम सचिन उरकुडे, द्वितीय पल्लवी रहांगडाले व तृतीय प्रवीण बिसेन यांना बक्षीस, गौरवचिन्ह व प्रमाणपत्र देण्यात आले. गोरेगाव तालुक्यातील ७०० शेतकऱ्यांना लोकराज्य मासिकाचे वर्गणीदार करणारे तालुका कृषी अधिकारी मंगेश वावधने यांचा प्रमाणपत्र व सन्मानचिन्ह देऊन सत्कार करण्यात आला. सामाजिक वनीकरण विभागामार्फत राष्ट्रीय हरित सेना योजनेंतर्गत निवड केलेल्या व उत्कृष्ट बीज संकलन करण्यात आलेल्या संत जयरामदास विद्यालय व कनिष्ठ कला महाविद्यालय ठाणा शाळेचे प्राचार्य सी.जी. पाऊलझगडे व राष्ट्रीय हरित सेना प्रभारी शिक्षक के.के. कटरे, बहुउद्देशिय हायस्कुल अर्जुनी मोरगाव शाळेचे मुख्याध्यापक वाय.बी.हुमे व राष्ट्रीय हरित सेना प्रभारी शिक्षक एस.आर. परतेकी, एम.सी. जनता हायस्कूल चुटिया शाळेचे मुख्याध्यापक एम.यू. चौधरी व राष्ट्रीय हरित सेना प्रभारी शिक्षक आर.व्ही. कापगते यांचा पालकमंत्र्यांच्या हस्ते सत्कार करण्यात आला.

Gondia (Marathi News)

येथील ग्रामपंचायत कार्यालयमध्ये १५ आॅगस्ट रोजी आमसभा पार पडली. यात १५०-१६० नागरिक सहभाग झाले होते. ...

भारतीय स्वातंत्र्याचा ६९ वा वर्धापन दिन जिल्ह्यात ठिकठिकाणी थाटात साजरा करण्यात आला. ...