विष प्राशन करून इसमाची आत्महत्या

२५ लाखांसाठी विवाहितेचा छळ

गोंदिया : शहरातील मामा चौकातील स्वाती देवेंद्र आगाशे (३०) या विवाहितेला माहेरून २५ लाख रुपये आण म्हणून तिचा छळ करणाऱ्या सासरच्या पाच जणांविरुद्ध शहर पोलिसांनी गुन्हा दाखल केला आहे. स्वातीला माहेरून २५ लाख रुपये आण म्हणून ५ सप्टेंबर २०२० पासून आतापर्यंत तिचा छळ करण्यात आला. प्रकरणी आरोपी देवेंद्र किशोर आगासे (४१, रा. मामा चौक), किशोर सदाशिव आगाशे (७५), मंजू किशोर आगाशे (६८), योगेश किशोर आगासे (४३) व रूपाली ऋषी आगाशे (३८, रा. पुणे) या पाच जणांविरुद्ध शहर पोलिसात भादंवि कलम ४९८ (अ) अन्वये गुन्हा दाखल करण्यात आला आहे.

सावराटोलीतील इसमाला मारहाण

गोंदिया : सावराटोली बजाज वॉर्डातील दोघे मुन्नालाल कन्हैयालाल बागदे (५८) यांच्या ऑटोमध्ये बसून गोंधळ घालीत होते. यावर त्यांनी दोघांना समज दिली असता दोघांनी मुन्नालाल यांना शिवीगाळ करीत कॉलर पकडून मारहाण केली. २३ जुलै रोजी सायंकाळी ६ वाजता घडलेल्या या घटनेत आरोपी अर्णव मिलिंद रामटेके (१८) व लकी ऊर्फ यश मिलिंद रामटेके (२१) यांच्याविरुद्ध भादंवि कलम ३२३, ५०४, ५०६ अन्वये गुन्हा दाखल केला आहे.

संविधान चौकात दोन महिलांची एकमेकींना मारहाण

गोंदिया : शहर पोलीस ठाण्यांतर्गत येणाऱ्या संविधान चौक छोटा गोंदिया येथील दोन महिलांनी एकमेकींना मारहाण केल्याची घटना २४ जुलै रोजी दुपारी १.३० वाजता घडली. कविता राजकुमार शहारे (४०) या महिलेला आरोपी रिना राजेश मेश्राम (३७, रा. संविधान चौक) हिने थापड-बुक्क्यांनी मारहाण केली. तर कविता शहारे हिने रिना मेश्राम (३७) यांनाही मारहाण केली. दोघींवर तक्रारीवरून पोलिसांनी भादंविच्या कलम ३२३, ५०४, ५०६ अन्वये गुन्हा दाखल केला आहे.