‘त्या’ मृतदेहाची ओळख पटली

बिरसोला रेल्वे स्थानकाजवळ ३ एप्रिल रोजी एका व्यक्तीचा मृतदेह आढळला होता. आता त्याची ओळख पटली आहे.

पत्नी व मुलगा आले
गोंदिया : बिरसोला रेल्वे स्थानकाजवळ ३ एप्रिल रोजी एका व्यक्तीचा मृतदेह आढळला होता. आता त्याची ओळख पटली आहे. मृताच्या पत्नीने मोक्षधामात जिथे तिच्या पतीवर अंत्यसंस्कार करण्यात आले होते, तिथे जावून पूजा-अर्चना केली व परतली.
बिरसोला रेल्वे स्थानकावर आढळलेली व्यक्ती बालाघाट जिल्ह्यातील खैरलांजी पोलीस ठाण्यांतर्गत येणाऱ्या आरंभा येथील रहिवासी विजय भरतलाल जायस्वाल (३८) हे होते. त्यांची पत्नी व नातलगांनी ६ एप्रिल रोजी गोंदिया गाठले.
मृतकाचे कपडे व सामान पाहून त्यांनी ओळख पटविली. मृतक विजय कोणत्या कामासाठी बिरसोला-काटी येथे आले होते, याची माहिती मिळू शकली नाही. परंतु याच परिसरात राहणाऱ्या कुटुंबीयांच्या माहितीवरून विजय जायस्वालचे कुटुंबीय गोंदिया रेल्वे पोलीस ठाण्यात पोहोचले होते. (प्रतिनिधी)