कास्ट्राईब कर्मचारी संघटनेचा अर्धवार्षिक मेळावा ()

सभेत अध्यक्षीय भाषण करताना ओमप्रकाश वासनिक यांनी कास्ट्राईब विषयी समर्पित भावना, आस्था ठेवून संघटन तळागाळात मजबूत करण्यासाठी तन, मन, धनाने काम करीत असल्याचे सांगितले. सभेचे प्रास्ताविक जिल्हाध्यक्ष संजय उके यांनी केले. यावेळी उद्घाटक म्हणून जिल्हा सरचिटणीस प्रवीण गजभिये, दीप प्रज्वलक हेमराज शहारे, भरत वाघमारे, हितेंद्र रामटेके, किशोर डोंगरवार, राजेंद्र सांगोडे, राजेश साखरे, जितेंद्र बोरकर उपस्थित होते. जिल्हा आदर्श शिक्षक पुरस्कार प्राप्त शिक्षक दिनेश अंबादे यांचा शाल व श्रीफळ देऊन सत्कार करण्यात आला. यावेळी सभेत मागासवर्गीयांच्या पदोन्नती आरक्षण विरोधी ७ मे २०२१ चा शासन निर्णय रद्द करून पदोन्नती आरक्षण पूर्ववत लागू करणे, संघटन शक्ती वाढविणे, गोंदिया जिल्हा प्राथमिक शिक्षक सहकारी पत संस्थेची होणारी निवडणूक स्वबळावर १३ जागा लढविणे यावर एकमुखाने ठराव मंजूर करण्यात आला. शिक्षक संघटनेचे वीरेंद्र भोवते, रोशन गजभिये, संजय मेश्राम, अनिल मेश्राम, अजित रामटेके, यज्ञराज रामटेके, लोकेश राऊत, दीक्षांत धारगावे, संचित वाळवे, टी. पी. गेडाम, नम्रता रंगारी, रितेश शहारे यांनी मत व्यक्त केले. संचालन राजेश गजभिये केले व आभार उत्क्रांत उके यांनी मानले. शिक्षक संघटनेचे अमित गडपायले, अजय शहारे, आशिष रंगारी, नरेश गोंडाणे, प्रकाश सांगोळे, एल. जी. शहारे, धर्मेंद्र शहारे, संजय भावे, प्रशांत बडोले, मुकेश गणवीर श्रीकांत कामडी, दिनेशकुमार अंबादे, लक्ष्मण मरकाम, किरण कठाणे, पंचशिला जनबंधू उपस्थित होते.