पर्यावरण संरक्षण आणि नैसर्गिक स्त्रोतांवर जनजागृती

अदानी पॉवर महाराष्ट्र लिमीटेडच्या वतीने अदानी फाउंडेशनतर्फे पर्यावरण संरक्षण आणि नैसर्गिक स्त्रोतांचे संवर्धन यावर जनजागृतीपर कार्यक्रमाचे आयोजन करण्यात आले होते. चार दिवसांच्या या कार्यक्रमात

गोंदिया : अदानी पॉवर महाराष्ट्र लिमीटेडच्या वतीने अदानी फाउंडेशनतर्फे पर्यावरण संरक्षण आणि नैसर्गिक स्त्रोतांचे संवर्धन यावर जनजागृतीपर कार्यक्रमाचे आयोजन करण्यात आले होते. चार दिवसांच्या या कार्यक्रमात विविध स्पर्धा घेऊन विजेत्यांना बक्षीस वितरण करण्यात आले.

जनजागृतीपर कार्यक्रमांतर्गत पर्यावरणाचे महत्व सांगणारे स्लोगन, पोस्टर, रांगोळी, वादविवाद स्पर्धा घेण्यात आल्या. यादरम्यान काचेवानी येथे आदर्श गाव आणि पर्यावरण संवर्धनावर एक सिनेमाही दाखविण्यात आला. तसेच पर्यावरणाच्या रक्षणासाठी काय केले पाहीजे आणि काय नाही केले पाहीजे यावर पत्रके वाटण्यात आली. यावेळी अदानी फाऊंडेशनने दहा कलमी कार्यक्रम राबवून परिसरातील गावांमध्ये कोणकोणती कामे केली याबद्दलची माहिती कर्मचारी, कंत्राटी कामगार आणि गावकऱ्यांना दिली. समारोपीय कार्यक्रमाला पर्यावरण विभागाचे प्रमुख ए.पी.सिंग, तिरोडा विभागाचे प्रमुख सी.पी.साहू, प्रकल्प प्रमुख ओ.पी.भारद्वाज यांच्यासह इतर वरिष्ठ अधिकारी उपस्थित होते. यावेळी मार्गदर्शन करताना भारद्वाज यांनी अदानी फाऊंडेशनच्या वतीने पर्यावरणविषय अनेक कार्यक्रम आतापर्यंत राबविल्याची माहिती दिली. त्यात प्रामुख्याने गावतलावांचे खोलीकरण, जंगलातील लाकडांची कटाई थांबविण्यासाठी चोरखमारा आणि सर्रा गावात गॅस सिलींडरचे वितरण, तसेच गोबरगॅस आणि सौरउर्जेवरील पथदिवेही लावल्या जात असल्याचे त्यांनी सांगितले. जलशुद्धीकरण प्रकल्पाची उभारणी करण्यासाठीही अदानी फाऊंडेशन तयार आहे, मात्र त्याच्या सुरक्षेची आणि देखभालीची जबाबदारी ग्रामपंचायतने घ्यावी, असे आवाहन यावेळी भारद्वाज यांनी केले.

यावेळी साहू यांनी वातावरण शुद्ध ठेवण्यासाठी जास्तीत जास्त झाडे लावण्याचे आवाहन नागरिकांना केले. अदानी प्रकल्प आधुनिक तंत्रज्ञानावर आधारित असल्यामुळे पर्यावरणाचे कमीत कमी नुकसान होत असल्याची माहितीही त्यांनी दिली. यावेळी अनेक विजेत्यांना बक्षीस वितरण करण्यात आले. (जिल्हा प्रतिनिधी)