कॉल करताच घेणार तक्रारीची दखल

ठाणेदार सिंगनजुडे यांनी पदभार सांभाळताच गुन्हेगारांच्या मुसक्या आवळण्यास सुरुवात केली आहे. नागरिक व पोलिसात आपुलकीचे व चांगले संबंध निर्माण व्हावे व शहरातील गुन्हेगारीवर आळा बसावा याकरिता रोज सायंकाळची गस्त देवरी शहरात सुरू केली. शहरासह तालुक्याच्या ग्रामीण भागात अवैध धंदे करणाऱ्यांवर कार्यवाही करीत गुन्हेगारांना अटक केली. शहर व तालुक्यातील नागरिकांनी पोलिसांची भीती मनात न ठेवता प्रत्यक्षात संपर्क साधून आपल्या तक्रारी पोलिसांना सांगाव्या, याकरिता एकूण आठ पोलीस अधिकारी व कर्मचाऱ्यांचे मोबाईल नंबर जाहीर केले आहे. कोणत्याही तक्रारी करिता अथवा अवैध धंद्याबाबत माहिती असल्यास देवरी पोलिसांनी जाहीर केलेले क्रमांक डायल करुन देवरी पोलिसांना माहिती द्यावी.

..........

या गोष्टींची काळजी घ्या

जर तुम्ही बाहेरगावी जाणार असाल तर, आपल्या शेजाऱ्यांना सांगून जा. बाहेरगावी घर बंद करुन जात असेल तर घरात रोख रक्कम व दागिने ठेवू नये. घराच्या दाराला कडी कोंडा ऐवजी सेन्ट्रींग लॉकचा वापर करावा. घराच्या दरवाजाला १ होल आवश्यक ठेवा, जेणेकरुन अनोळखी इसम असल्यास माहिती मिळू शकेल. घराच्या दरवाजाला सेप्टी चैन लावावी. कोणताही अनोळखी इसम, फेरीवाले, सोने उजळवून देतो, भविष्य सांगतो अशा लोकांना घरात प्रवेश देऊ नये व शक्य झाल्यास मोबाईलमध्ये फोटो काढावा. खिडक्या, दरवाजे, ग्रील मजबूत करुन घ्यावेत. संशयित व्यक्ती, सेल्समन, फिरते विक्रेते, विनाकारण भटकणारे, ये-जा करणाऱ्या संशयिताची माहिती त्वरित पोलिसांना द्यावी.

............

या क्रमांकावर करा कॉल

ठाणेदार रेवचंद सिंगनजुडे, मो. ९७६४१३४१११, सहायक पोलीस निरीक्षक आनंदराव घाडगे ७७३८६१४३२३, पोलीस उपनिरीक्षक नरेश उरकुडे ८९९९५२६८६१,पोलीस हवालदार ग्यानिराम करंजेकर ९४२१२४९०९७, झिंगरु मडावी ९०४९०९२५६७, पोलीस नायक निताराम बोहरे ८२०८००१७७३, हेमंत मस्के ९८२३१८६२३२, घनश्याम मेंढे ७७१९०६८१२७, पोलीस ठाणे देवरी फोन क्र. (०७१९९) २२५१४९ या नंबरवर संपर्क साधावा.