ग्रामीण भागात बोगस डॉक्टरांचा सुळसुळाट

परिसरात बोगस डॉक्टरांचा व्यवसाय मोठय़ा जोमाने फोफावला आहे. अशा बोगस डॉक्टर आणि औषध विक्रेत्यांचा थांगपत्ता लावून कारवाई का म्हणून करण्यात येत नाही,

रावणवाडी : परिसरात बोगस डॉक्टरांचा व्यवसाय मोठय़ा जोमाने फोफावला आहे. अशा बोगस डॉक्टर आणि औषध विक्रेत्यांचा थांगपत्ता लावून कारवाई का म्हणून करण्यात येत नाही, अशा प्रश्न परिसरातील सुज्ज्ञ नागरिकांकडून उपस्थित करण्यात येत आहे.

अन्न व औषधी व्यवसाय बर्‍याच अंशी नियंत्रणात आणि कायद्यांतर्गत सुरू असल्याचा दावा अन्न व औषध प्रशासनातील वरिष्ठ अधिकार्‍यांकडून करण्यात येत आहे. तरी बोगस डॉक्टरांना औषधांचा पुरवठा कोणत्या स्त्रोतांद्वारे होत असते हा संशोधणाचा विषय ठरला आहे. नुकतेच अन्न व औषध प्रशासन विभागाने निर्धारित केलेल्या काही औषधी सक्षम डॉक्टरांचा चिठ्ठीविना विक्रेत्यांनी विकू नये, अशा विक्रीवर विभागाने लक्ष वेधून टाकले. तरी बोगस डॉक्टरांना औषधांचा पुरवठा कोठून व कोणत्या विक्रेत्यांकडून उपलब्ध होतो असा प्रश्न उपस्थित होतो. अशा औषध विक्रेत्यांचा शोध अन्न व औषध विभाग लक्ष देवून लावणार त्या दिवसापासूनच ग्रामीण भागात बोगस डॉक्टरांचा सुळसुळाट काही प्रमाणात अंकुश लावता येणार असल्याचे मत जानकार नागरिकांकडून व्यक्त करण्यात येत आहे.

या ग्रामीण परिसरात विना वैद्यकीय परवाना असंख्य बोगस डॉक्टरांची भरमार आहे. त्यात काही डॉक्टर औषधांच्या दुकानात रोजंदारीवर विक्रेत्यांना मदत करणारे किंवा एखाद्या डॉक्टरच्या रुग्णालयात काम करणारेच आज डॉक्टर होऊन बिनधास्त व्यवसाय करीत असून अशा डॉक्टरांनी हा पूर्ण परिसर गजबजलेला आहे. मात्र अशा बोगस डॉक्टरांवर कारवाईची टक्केवारी फारच कमी आहे. काही बोगस डॉक्टर रुग्णांवर औषधोपचारासाठी लागणारी पूर्ण सामग्री घेवून गावात फिरुन रुग्णांवर औषधोपचार करीत आहेत. तर काही डॉक्टर्स आपले दवाखाने खोलून रुग्णांना लुबाडण्याचे कृत करीत असल्याचा प्रकार ग्रामीण भागात जोमाने फोफावला आहे.

संबंधित विभागाला बोगस डॉक्टरांची आजतागायत माहिती नाही. ते तर या भागातील नागरिकांचे दुदैवच म्हणावे लागणार. यात तिळ मात्र शंका उद्भवत नाही. औषध विक्रेते बोगस बिल ग्राहकांचा माथी मारुन शासनाला विक्री कराच्या माध्यमातून प्राप्त होणारी महसुलाची वाट लावीत आहेत. बोगस डॉक्टरांना विक्रेत्यांकडून औषधे पूरविणे कायमचे बंद करण्यात आले तरच बोगस डॉक्टरांच्या व्यवसायावर अंकुश लावता येऊ शकणार असे सुज्ञ नागरिकांचे म्हणणे आहे.