लोकमत न्यूज नेटवर्क, म्हापसा: म्हापसा येथील टॅक्सी स्थानकावर किरकोळ अपघाताच्या कारणावरून कर्नाटकातील पर्यटकांच्या गटाकडून कळंगुट येथील एका नागरिकाला मारहाण केल्याची घटना घडली आहे. या प्रकरणी पोलिसांनी काही जणांना ताब्यात घेतले असून इतर संशयितांचा शोध सुरू आहे.
मिळालेल्या माहितीनुसार, संबंधित नागरिक आपली गाडी पार्क करून कोल्ड्रिंक पिण्यासाठी गेला होता. परत येताना कर्नाटकातील पर्यटकांच्या वाहनाने त्यांच्या गाडीला धडक दिली. त्यावेळी संबंधित नागरिकाने पर्यटकांना गाडी मागे घेण्याची सूचना केली.
मात्र, या सूचनेवरून पर्यटक संतापले आणि त्यांनी गाडीतून उतरून संबंधित नागरिकावर हल्ला चढवला. सात जणांच्या पर्यटक गटाने मिळून त्या नागरिकाला कथित मारहाण केली. घटनेदरम्यान स्थानिकांनी हस्तक्षेप करून परिस्थिती नियंत्रणात आणत संबंधित नागरिकाची सुटका केली.
घटनेची माहिती मिळताच पोलिस घटनास्थळी दाखल झाले व काही जणांना ताब्यात घेतले. दरम्यान, इतर काही संशयित घटनास्थळावरून पळून गेले असून त्यांचा शोध सुरू आहे.
Web Summary : In Mapusa, Goa, a group of tourists from Karnataka assaulted a local man following a minor car accident. Police intervened, arresting some individuals while searching for others involved in the attack after locals intervened.
Web Summary : म्हापसा, गोवा में मामूली कार दुर्घटना के बाद कर्नाटक के पर्यटकों के एक समूह ने एक स्थानीय व्यक्ति पर हमला कर दिया। पुलिस ने हस्तक्षेप कर कुछ लोगों को गिरफ्तार किया और अन्य की तलाश जारी है।