लोकमत न्यूज नेटवर्क, पणजी :शिक्षकांनी नवे उपक्रम व तंत्रज्ञानाबद्दल नेहमीच स्वतः अपडेट राहावे. विद्यार्थ्यांच्या करिअरबद्दल मार्गदर्शन करताना त्यांचे चांगले चरित्रही घडवावे, असे आवाहन मुख्यमंत्री प्रमोद सावंत यांनी केले.
भाजपच्या शिक्षक विभागाने आयोजित केलेल्या शिक्षकांच्या सत्कार सोहळ्यात ते बोलत होते. मुख्यमंत्री म्हणाले की, विद्यार्थ्यांमध्ये रोल मॉडेल बनण्यासारखे कार्य शिक्षकांनी करून दाखवायला हवे. विद्यार्थ्यांना शिकवताना जुन्या पद्धती नको. नवे उपक्रम व आधुनिक तंत्रज्ञानामध्ये पारंगत व्हा. शिक्षकांनी सातत्याने प्रत्येक गोष्टीबाबत अपडेट राहायला हवे. गोवा शंभर टक्के साक्षर बनले आहे. करिअरसाठी राज्यात मोठ्या प्रमाणातसंधी आहेत.
सरकार लवकरच कौशल्य अभ्यासक्रम सुरू करणार आहे. सहा वेगवेगळ्या व्यावसायिक महाविद्यालयांचा कॅम्पस स्थापन केला जाईल. राज्यात फॉरेन्सिक सायन्सपासून फिजिओथिएरपी, कायदा शिक्षणासाठी नॅशनल स्कूल ऑफ लॉ आदी सोय आहे. आयुष इस्पितळात गोवेकर विद्यार्थ्यांना ५० टक्के जागा राखीव आहेत, त्याचा लाभ घ्यावा, असेही मुख्यमंत्री म्हणाले.
Web Summary : Chief Minister Pramod Sawant urged teachers to stay updated with technology and guide students to build strong character. He highlighted career opportunities in Goa, including skill courses and professional colleges. He also mentioned reserved seats for Goan students in AYUSH hospitals.
Web Summary : मुख्यमंत्री प्रमोद सावंत ने शिक्षकों से प्रौद्योगिकी के साथ अपडेट रहने और छात्रों को मजबूत चरित्र बनाने के लिए मार्गदर्शन करने का आग्रह किया। उन्होंने गोवा में कौशल पाठ्यक्रम और व्यावसायिक कॉलेजों सहित करियर के अवसरों पर प्रकाश डाला। उन्होंने आयुष अस्पतालों में गोवा के छात्रों के लिए आरक्षित सीटों का भी उल्लेख किया।