लोकमत न्यूज नेटवर्क, मडगाव :नाताळ व नववर्षानिमित्त प्रवाशांची अतिरिक्त गर्दी कमी करण्यासाठी कोकण रेल्वेमार्गावर सीएसएमटी मुंबई ते करमळी, एलटीटी ते तिरुवनंतपूरम, एलटीटी ते मंगळुरू जंक्शन व यशवंतपूर एक्स्प्रेस या विशेष गाड्या चालवण्याचा निर्णय घेण्यात आला आहे.
रेल्वे क्रमांक ०११५१ मुंबई सीएसएमटी करमळी विशेष (दैनिक) गाडी १९ डिसेंबर ते ५ जानेवारीपर्यंत दररोज मुंबई सीएसएमटीहून रात्री १२:२० वाजता सुटेल व त्याच दिवशी दुपारी १:३० वाजता करमळीला पोहोचेल. रेल्वे क्रमांक ०११५२ करमळी ते सीएसएमटी विशेष गाडी १९ डिसेंबर ते ५ जानेवारीपर्यंत दररोज दुपारी १:१५ वाजता करमळीहून सुटेल. ही ट्रेन दुसऱ्या दिवशी पहाटे ३:४५ वाजता मुंबई सीएसएमटीला पोहोचेल.
रेल्वे क्रमांक ०११७१ लोकमान्य टिळक (टी)- तिरुवनंतपूरम उत्तर विशेष (साप्ताहिक) ही गाडी गुरुवार १८, २५ डिसेंबर, १ व ८ जानेवारीला लोकमान्य टिळक (टी) येथून दुपारी ४ वाजता सुटेल व दुसऱ्या दिवशी रात्री ११:३० वाजता तिरुवनंतपूरम उत्तर येथे पोहोचेल. रेल्वे क्रमांक ०११७२ तिरुवनंतपूरम उत्तर-लोकमान्य टिळक (टी) विशेष (साप्ताहिक) तिरुवनंतपूरम उत्तर येथून शनिवार, २०, २७ डिसेंबर, ३ व १० जानेवारीला रोजी दुपारी ४.२० वाजता सुटेल. ही ट्रेन तिसऱ्या दिवशी १ वाजता लोकमान्य टिळक (टी) येथे पोहोचेल.
रेल्वे क्रमांक ०११८५ लोकमान्य टिळक (टी) मंगळुरू जंक्शन विशेष (साप्ताहिक) मंगळवार, १६, २३, ३० डिसेंबर आणि ६ जानेवारीला लोकमान्य टिळक (टी) येथून दुपारी ४ वाजता सुटेल व दुसऱ्या दिवशी सकाळी १०:०५ वाजता मंगळुरू जंक्शनला पोहोचेल.
गाडी क्रमांक ०११८६ मंगळुरु जं. लोकमान्य टिळक (टी) विशेष (साप्ताहिक) मंगळुरू जंक्शन येथून १७, २४, ३१ डिसेंबर आणि ७ जानेवारीला १३ वाजता सुटेल व लोकमान्य टिळक (टी) येथे दुसऱ्या दिवशी ६:५० वाजता पोहोचेल.
रेल्वे क्रमांक ०६२६७ यशवंतपूर कारवार एक्स्प्रेस स्पेशल गाडी २४ व २७ डिसेंबरला दुपारी १२ वाजता यशवंतपूरहून सुटेल व दुसऱ्या दिवशी सकाळी ६.१० वाजता कारवारला पोहोचेल. रेल्वे क्रमांक ०६२६८ कारवार - यशवंतपूर एक्स्प्रेस विशेष ही गाडी २५ व २८ डिसेंबरला कारवार येथून दुपारी १२ वाजता सुटेल व दुसऱ्या दिवशी ४:३० वाजता यशवंतपूरला पोहोचेल.
Web Summary : Konkan Railway will run special trains from Mumbai, LTT, and Yesvantpur to various destinations like Karmali, Thiruvananthapuram, and Mangaluru. These trains will operate between December and January to ease holiday travel rush.
Web Summary : कोंकण रेलवे मुंबई, एलटीटी और यशवंतपुर से करमाली, तिरुवनंतपुरम और मंगलुरु जैसे विभिन्न गंतव्यों के लिए विशेष ट्रेनें चलाएगा। ये ट्रेनें छुट्टियों के दौरान यात्रा की भीड़ को कम करने के लिए दिसंबर और जनवरी के बीच चलेंगी।