साळगावकर क्लबचा मोठा विजय

गोवा फुटबॉल संघटना आयोजित २० वर्षाखालील प्रथम विभागीय लीग फुटबॉल स्पर्धेत साळगावकर स्पोर्टस् क्लबने गोवा वेल्हा स्पोर्टस् क्लबवर ८-० असा मोठा विजय मिळवित पूर्ण गुण प्राप्त केले.

वास्को : गोवा फुटबॉल संघटना आयोजित २० वर्षाखालील प्रथम विभागीय लीग फुटबॉल स्पर्धेत साळगावकर स्पोर्टस् क्लबने गोवा वेल्हा स्पोर्टस् क्लबवर ८-० असा मोठा विजय मिळवित पूर्ण गुण प्राप्त केले.
वास्को टिळक मैदानावरील या लढतीत साळगावकरने पहिल्या सत्रात चार गोल तर उत्तरार्धात चार गोल करीत आठ गोलांची नोंद केली. साळगावकरच्या रेमन फर्नांडीसने हॅट्रीक साधली तर आल्वीनो परेराने दोन गोल केले. जेम्स फर्नांडीस, ऑलिस्टे मेंडीस, सुबर्ट कुलासोने प्रत्येकी एका गोलची नोंद केली.
-----------------------
साळगाव स्पोर्टींग क्लब उपांत्यपूर्व फेरीत
वास्को : जॉनी डिसोझाने नोंदलेल्या एकमेव गोलाच्या जोरावर साळगाव स्पोर्टिंग क्लबने साई अवतार हणजुणाचा १-० गोलने पराभव करीत तिसर्‍या पर्रा पंचायत कप फुटबॉल स्पर्धेच्या उपांत्यपूर्व फेरीत प्रवेश केला. पर्रा पंचायत मैदानावरील या लढतीचा पुर्वाध गोलशुन्य बरोबरीत राहिला होता. उत्तरार्धातील ४५० व्या मिनिटाला जॉनी डिसोझाने चेंडूला जाळीची दिशा दाखवित साळगाव स्पोर्टिंग क्लबने उपांत्यपूर्व फेरी गाठली. तर साई अवतारच्या अभिजित गोळेकरला सामनावीर म्हणून बक्षीस देण्यात आले.
---------------------------
सेंट ॲँथनी असोल्डा उपांत्यफेरीत
वास्को : होली क्रॉस क्लब काकोडा आयोजित १८ व्या हॉलीक्रॉस कप फुटबॉल स्पर्धेत सेंट ॲँथनी स्पोर्टस् क्लब असोल्डाने नुवे स्पोर्टस् क्लबचा टायब्रेकरवर ५-४ गोलने मात करीत स्पर्धेची उपांत्यफेरी गाठली.
होडलोमोळ काकोडा मैदानावरील पहिल्या उपांत्यपूर्व सामना पूर्ण वेळेत गोलशुन्य बरोबरीत राहिल्याने टायब्रेकरचा अवलंब करण्यात आला टायब्रेकरच्या -- विजेत्या असोल्डाने ५-४ अशी बाजी मारली.
--------------------------
सीएसी कासावली उपांत्यपूर्व फेरीत
वास्को : सीएसी कासावलीने काणा बाणावली स्पोर्टींग क्लबवर ३-० गोलने विजय मिळवीत सेंट ॲँथनी स्पोर्टस् क्लब कोलवा आयोजित सेंट ॲँथनी युके सुपर कप फुटबॉल स्पर्धेच्या उपांत्यपूर्व फेरीत प्रवेश केला.
साग कोलवा मैदानावरील या लढतीत सी ॲण्ड सी कासावली मध्यंतर पर्यंत १-० असा आघाडीवर होता तर उत्तरार्धात आणखी दोन गोल करीत ३-० असा विजय मिळविला. सी ॲण्ड सी कासावलीच्या आग्नेल डिसोझा, डेन्झील फर्नांडीस व मॉर्न्टीने गोल नोंदले.
----------------------------------
राया स्पोर्टिंग क्लब अंतिम आठात
वास्को : राया स्पोर्टिंग क्लबने फ्रेण्डस इलेव्हन बाद्याचा २-० गोलने पराभव करीत युनायटेड क्लब नेरूल आयोजित ५व्या बार्देश कप फुटबॉल स्पर्धेच्या अंतिम आठात प्रवेश केला. वेरे मैदानावरील या लढतीच्या सहाव्याच मिनिटाला मॅकबर्ड फर्नांडिसने जेस्टीन बारझाच्या पासावर राया क्लबला ३-० आघाडीवर नेले होते. १४ व्या मिनिटाला डेन्सिल सिक्वेराने गोल करीत फ्रेण्डस इलेव्हनला १-१ बरोबरी साधून दिली. दुसर्‍या सत्राच्या ३९ व्या मिनिटाला रायाच्या जेस्टन बार्बोझाने चेंडूला सरळ जाळीची दिशा दाखवीत २-१ असा विजय मिळविला तर ४८ व्या मिनिटाला फ्रेण्डस् इलेव्हनच्या ऑलाफ ---- फटका बाहेर गेल्याने गोल संधी वाया गेली.
----------------------------------
साळगाव स्पोर्टिंग विजयी
वास्को : साळगावकर स्पोर्टिंगने कांदोळी स्पोर्टस् क्लबच्या टायब्रेकरवर ३-२ गोलने पराभव करीत साळगाव युनायटेड आयोजित ५ व्या साळगाव युनायटेड कप फुटबॉल स्पर्धेच्या उपांत्यपूर्व फेरीत प्रवेश केला.
डॉ. गुस्त्यांव मोंटोरेने कांदोळी मैदानावरील या लढतीत उभय संघांना पूर्ण वेळेत गोल करण्यास अपयश आल्याचे टायब्रेकरचा अवलंब करण्यात आला. टायब्रेकरच्या अवलंबनावर विजेत्या साळगाव स्पोर्टिंग क्लबने ३-२ अशी बाजी मारताना कांदोळी स्पोर्टस् क्लबला पराभूत केले.
----------------------------------
सेंट सावियो कळंगुट अंतिम आठात
वास्को : सेंट सावियो कळंगुटने आगुस्तियश स्पोर्टस् क्लब पोंबुर्फाचा ६-१ गोलने पराभव करीत हडफडे स्पोर्टिंग क्लब आयोजित हडफडे कप फुटबॉल स्पर्धेच्या अंतिम आठात प्रवेश केला.
हडफडे मैदानावरील या लढतीत सेंट सावियो कळंगुटने एकतर्फी सामना जिंकताना तब्बल सहा गोलांची नोंद केली. पेद्रु गोन्साल्वीसने ३ हॅट्रीक साधली तर विजयने २ व ब्लेग हलडतकरने १ गोल नोंदविला.