लोकमत न्यूज नेटवर्क, डिचोली : गोव्यातील युवा शक्तीत वेगवेगळ्या प्रतिभा ठासून भरलेल्या आहेत. कला, क्रीडा, संगीत व इतर क्षेत्रात युवकांनी राष्ट्रीय आंतरराष्ट्रीय पातळीवर मोठी झेप घेतलेली आहे.
राष्ट्रीय युवा महोत्सवासाठी गोव्याच्या टीमला पंतप्रधान नरेंद्र मोदी व केंद्रीय क्रीडामंत्र्यांसोबत आपली प्रतिभा सिद्ध करण्याची संधी लाभणार आहे. त्यामुळे सर्वांनी आपले कौशल्य दाखवून नावलौकिक मिळवावे, अशा शब्दात मुख्यमंत्री डॉ. प्रमोद सावंत यांनी युवा टीमला शुभेच्छा दिल्या.
राष्ट्रीय युवा महोत्सव हा देशपातळीवर युवकांना व त्यांच्या कौशल्य, क्रीडा, संगीत व इतर चौफेर क्षेत्रात स्पर्धा करण्याची संधी मिळत असल्याने गोमंत युवकांसाठी ही पर्वणी असल्याचे मुख्यमंत्र्यांनी सांगितले. गोव्याची टीम राष्ट्रीय युवा महोत्सवासाठी नवी दिल्लीला रवाना होत असून, डॉ प्रमोद सावंत यांनी रवींद्र भवनात या टीमला शुभेच्छा दिल्या.
यापूर्वीही गोव्याच्या टीमने राष्ट्रीय युवा महोत्सवात आपली चमक दाखवताना आंतरराष्ट्रीय स्तरापर्यंत मजल मारलेली असून, यावेळीही वेगवेगळ्या क्षेत्रातील आपले कौशल्य सिद्ध करण्यासाठी शुभेच्छा दिल्या. यावेळी आमदार डॉ. चंद्रकांत शेट्ये, आमदार प्रेमेंद्र शेट व इतर उपस्थित होते.
Web Summary : CM Pramod Sawant encouraged Goa's youth team participating in the National Youth Festival in Delhi to showcase their skills. He highlighted the opportunity for Goan youth to compete nationally in various fields, wishing them success in demonstrating their talent.
Web Summary : मुख्यमंत्री प्रमोद सावंत ने दिल्ली में राष्ट्रीय युवा महोत्सव में भाग लेने वाली गोवा की युवा टीम को अपनी प्रतिभा दिखाने के लिए प्रोत्साहित किया। उन्होंने गोवा के युवाओं को विभिन्न क्षेत्रों में राष्ट्रीय स्तर पर प्रतिस्पर्धा करने का अवसर बताया और उन्हें अपनी प्रतिभा दिखाने में सफलता की कामना की।