गोव्याचे मुख्यमंत्री मनोहर पर्रीकर पुन्हा रुग्णालयात

मनोहर पर्रीकर यांचा रक्तदाब कमी झाल्यामुळे रविवारी रात्री ८.३० वाजता त्यांना गोवा वैद्यकीय महाविद्यालयात (गोमेकॉ) उपचारासाठी दाखल करावे लागले.

पणजी : मुख्यमंत्री मनोहर पर्रीकर यांचा रक्तदाब कमी झाल्यामुळे रविवारी रात्री ८.३० वाजता त्यांना गोवा वैद्यकीय महाविद्यालयात (गोमेकॉ) उपचारासाठी दाखल करावे लागले. मुंबई येथील लीलावती इस्पितळात स्वादुपिंडाच्या आजारावर त्यांच्यावर उपचार झाले.
पर्रीकर यांना रविवारी रात्री ८ वाजता अस्वस्थ वाटू लागले. त्यांचा रक्तदाब कमी झाल्यामुळे त्यांना तातडीने गोमेकॉत न्यावे लागले. डॉक्टरांचे पथक त्यांच्या प्रकृतीवर लक्ष ठेवून आहेत. पर्रीकर आजाराच्या काळातही सरकारी कारभार पाहत असल्यामुळे प्रशासनाकडून त्यांच्या घरीच फाइल्स जात आहेत. घरीच ते फाइल्स पाहत आहेत. अनेक फाइल्स त्यांच्याकडे पाठविल्याची माहिती सूत्रांकडून देण्यात आली.