गडचिराेली : काेरची तालुक्यातील केसालडाबरी (बोदालदंड) शेतशिवारात शनिवारी दुपारी वीज काेसळल्याने एक युवक जागीचा ठार झाला, तर दुसरा गंभीर जखमी झाला.
सरगम सोमनाथ कोरचा (वय १७, रा. केसालडाबरी) असे मृत तरुणाचे नाव आहे, तर त्याचा मित्र योगेश गावडे (१९, रा. गुजरबडगा, ता. देवरी, जि. गोंदिया) हा गंभीर जखमी झाला असून त्याला जिल्हा सामान्य रुग्णालय, गोंदिया येथे हलविण्यात आले आहे. सरगमचे वडील साेमनाथ काेरचा यांच्यासाेबत मृत सरगम व याेगेश हे शेतात धानाचे पुंजने टाकण्यासाठी गेले हाेते. काम सुरू असतानाच अचानक विजेचा कडकडाट सुरू झाला. त्यावेळी मृत सरगम आणि त्याचा मित्र योगेश हे दोघे झाडाखाली आसरा घेण्यासाठी उभे राहिले, तर सोमनाथ काही अंतरावर थांबले. त्याचवेळी प्रचंड गडगडाटासह वीज कोसळली आणि ती थेट त्या झाडावर पडली. विजेचा जबर धक्का बसल्याने सरगमचा घटनास्थळीच मृत्यू झाला, तर योगेश गंभीर जखमी झाला. नागरिकांच्या मदतीने याेगेशला तत्काळ उपचारासाठी रुग्णालयात दाखल करण्यात आले.
Web Summary : A youth died and another was severely injured by a lightning strike in a Gadchiroli field. While working, they sought shelter under a tree during a storm. One died instantly, and the other was hospitalized in Gondia.
Web Summary : गडचिरोली में खेत में काम करते समय बिजली गिरने से एक युवक की मौत हो गई और दूसरा गंभीर रूप से घायल हो गया। तूफान के दौरान वे एक पेड़ के नीचे शरण ले रहे थे। एक की मौके पर ही मौत हो गई, और दूसरे को गोंदिया के अस्पताल में भर्ती कराया गया।