गडचिरोली : ट्रक आणि भरधाव कारची समोरासमोर टक्कर होऊन कारमधील २ जण गंभीर जखमी झाले. हा अपघात बुधवारी रात्री मूलचेरा तालुक्यातील लगाम येथे घडला.
प्राप्त माहितीनुसार, सुरजागडवरून लोहदगड घेऊन ट्रक (क्रमांक ओडी ०९, एच ००५६) येत होता तर, गडचिरोलीवरून आलापल्लीकडे एक नवदाम्पत्य कारने (क्रमांक एमएच ३३, व्ही ६०१८) जात होते. दरम्यान, लगाम येथे दोन्ही वाहनांची समोरासमोर टक्कर झाली. या घटनेत ५ जण जखमी झाले. त्यातील दोघांना गंभीर दुखापत झाली आहे. या कारमध्ये गडचिरोली येथील सुमित गंधेवार (वय २८), त्यांची पत्नी रिया गंधेवार (वय २५) या दाम्पत्यासह त्यांच्या मित्राची पत्नी व त्यांची दोन मुले असे ५ जण होते. जखमीना तत्काळ उपचारासाठी चंद्रपूरला हलविण्यात आले.