दारूसह ७२ हजारांचा मुद्देमाल जप्त

तालुक्यातील कासवी फाट्याजवळ दुचाकीची तपासणी केली असता, दुचाकीवर ५ हजार ४०० रूपयांची दारू आढळून आली.

आरमोरी : तालुक्यातील कासवी फाट्याजवळ दुचाकीची तपासणी केली असता, दुचाकीवर ५ हजार ४०० रूपयांची दारू आढळून आली. या प्रकरणी दोन आरोपींना अटक केली असून सदर कारवाई १८ जुलै रोजी सकाळी १० वाजता केली.
रूपेश रमेश धकाते (२९) रा. ठाणेगाव, जगदीश रामकृष्ण धकाते (२२) रा. आरमोरी अशी आरोपींची नावे आहेत. पोलिसांनी दिलेल्या माहितीनुसार आरोपी रूपेश धकाते हा एमएच ३३ के ७०५४ या दुचाकीने तर जगदीश धकाते हा एमएच ३३ एन ७४५६ या दुचाकीने देसाईगंजवरून आरमोरीकडे दारू आणत असल्याची गुप्त माहिती पोलीस उपनिरीक्षक बच्चलवार यांना प्राप्त झाली. त्यांनी कासवी फाट्यावर पाळत ठेवून तपासणी केली असता, दोन्ही दुचाकीमध्ये ५ हजार ४०० रूपयांची देशी व विदेशी दारू आढळून आली. दोन्ही दुचाकी जप्त केल्या असून त्यांची किमत ६७ हजार रूपये आहे. असा एकूण ७२ हजार ४०० रूपयांचा माल जप्त केला आहे. सदर कारवाई पोलीस उपनिरीक्षक बच्चलवार, पोलीस हवालदार मच्छिंद्र शेडमाके, म्हशाखेत्री यांनी केली.