खुनी आरोपीस तीन वर्ष कारावासाची शिक्षा

जावयाचा गळा आवळून हत्या करणाऱ्या आरोपीस बुधवार २४ सप्टेंबर रोजी बुधवारी जिल्हा व सत्र न्यायालयाने तीन वर्ष कारावास व ५०० रूपये दंडाची शिक्षा सुनावली आहे. दंड न भरल्यास सात

गडचिरोली : जावयाचा गळा आवळून हत्या करणाऱ्या आरोपीस बुधवार २४ सप्टेंबर रोजी बुधवारी जिल्हा व सत्र न्यायालयाने तीन वर्ष कारावास व ५०० रूपये दंडाची शिक्षा सुनावली आहे. दंड न भरल्यास सात दिवस कारवासाची शिक्षाही न्यायालयाने सुनावली आहे.
पैकू झिटकू तुलावी, कलिराम अडकू पदा रा. दादापूर अशी शिक्षा सुनावण्यात आलेल्या आरोपींची नावे आहेत. हत्या प्रकरणातील मुख्य आरोपी व मृतकाचा सासरा अंताराम चुट्टी टेकाम याचे यापूर्वीच निधन झाले आहे. कुरखेडा तालुक्यातील दादापूर येथील देवाजी मडावी (४५) हा दारू पिऊन नेहमी भांडण करायचा. त्यामुळे सासरे अंताराम टेकाम व जावई देवाजी यांच्यात नेहमी वाद होत होते. ७ जुलै २०११ रोजी रात्री १० वाजताच्या सुमारास अंताराम टेकाम याने देवाजी मडावी याला काठीने मारहाण केली. त्यानंतर गळा आवळून त्याची हत्या केली होती. या प्रकरणाची तक्रार मृतकाची पत्नी रेणुकाबाई हिने पुराडा पोलीस ठाण्यात तक्रार दाखल केली होती. तक्रारीवरून आरोपींविरूद्ध भादंविचे कलम ३०२, ३४२ अन्वये गुन्हा दाखल करण्यात आला होता. त्यानंतर सदर प्रकरण न्यायप्रविष्ट झाले. आज जिल्हा व सत्र न्यायाधीश डी. आर. सिरासाव यांनी आरोपींना शिक्षा सुनावली. सरकारी पक्षांतर्फे अ‍ॅड. सचिन कुंभारे यांनी काम पाहिले.