खवल्या मांजराची तस्करी करणाऱ्या तिघांना अटक

गडचिराेली : मिळालेल्या गुप्त माहितीच्या आधारे गडचिराेली येथील स्थानिक गुन्हे शाखेने चामोर्शी पोलीस स्टेशन अंतर्गत मौजा कुदरसी टोला येथे धाड टाकून राजू घोती याच्या घरून तस्करी होणाऱ्या खवल्या मांजराचा जीव वाचविला आणि तीन आराेपींना ताब्यात घेतले.

बाहेरच्या राज्यातील इसम येवून निशाचर वन्यजीव प्राणी खवल्या मांजराची विक्री करणार असल्याची माहिती पाेलिसांना मिळाली. त्यानंतर स्थानिक गुन्हे शाखेतील अधिकारी कर्मचाऱ्यांची वेगवेगळी पथके तयार करुन ही कारवाई यशस्वीरित्या केली.

कुदरसी टोला येथे पाेहाेचून राजू घोती याच्या घरी जाऊन माहिती घेतली असता तेथे इरफान इनीयास सैफी रा. धुंगराला (उत्तरप्रदेश) हा सध्या गडचिरोली येथील गोकुलनगर येथे राहतो. हा संशयास्पदरित्या आढळून आला. त्याला या संदर्भात विचारपूस केली असता, त्याने सुरुवातील उडवा-उडवीचे उत्तरे देवून दिशाभूल करण्याचा प्रयत्न केला. परंतु काही वेळानंतर त्याने माहिती दिली. दुर्मीळ वन्यप्राणी खवल्या मांजराचा गुप्तधन शोधण्याकरीता तसेच तिलस्मी औषधीकरीता वापर होत असून, लोकांमध्ये अंधविश्वास असल्याने त्या खवल्या मांजराची आंतरराष्ट्रीय बाजारपेठेत फार मोठी किंमत मिळते.

इरफानने त्याचा साथीदार शकील बाबू सैफी रा. सलाई ता. जि. हापूर (उत्तरप्रदेश). सध्या तो गडचिरोलीतील इंदिरानगर येेेथे ढोके यांच्या घरी किरायाने राहतो. याचेसह मिळून खवल्यामांजर विक्री करण्याकरिता दाेन दिवसापुर्वी राजु आंदुलान घोती याच्या घरी आणले व खवल्या मांजर हे जनसामान्याचे दृष्टीस पडू नये, याकरीता गावापासून दूर अंतरावर असलेल्या शेतामध्ये ठेवून त्याची विक्री करण्याचा बेत ठरवून साथीदार शकीला बाबू सेफी आणी राजू आंदुलाल घोती, असे दोघे शतात लपूून बसले आहेत. अशी माहिती मिळाली. कुदरसी टोला येथे रात्रीच्या सुमारास घेराव बंदी करुन त्यांना खवल्यामांजरासह ताब्यात घेण्यात आले. इसमांच्या ताब्यातुन खवल्यामांजराची सुटका करून संबधीता विरुद्ध कायदेशिर कारवाई करीता वन विभागाचे ताब्यात देण्यात आले आहे. सदरची कारवाई एलसीबीचे पोलीस निरीक्षक उल्हास पी. भुसारी यांच्या नेतृत्वात सहायक पोलीस निरीक्षक विक्रांत सगणे तसेच पथकाने केली.