सीसी राेडवरून वाहणार सांडपाणी

गडचिराेली : स्थानिक नगरपालिका प्रशासनाच्यावतीने शहरातील विवेकानंद नगरात काही ठिकाणी विकास कामे हाती घेण्यात आली आहेत. मात्र नाली बांधकामाला बगल देऊन सिमेंट काॅंक्रिट राेडचे काम केले जात आहे. त्यामुळे सीसी राेडवरून सांडपाणी वाहण्याची शक्यता निर्माण झाली आहे. नगर परिषद प्रशासनाच्यावतीने नगराेत्थान, रस्ता अनुदान, वैशिष्ट्यपूर्ण, दलितवस्ती यासह विविध याेजनेतून सिमेंट काॅंक्रिट रस्ते, नाली, छाेटे पूल, रपटे आदी कामे सुरू आहेत. काेराेना लाॅकडाऊनच्या काळात गडचिराेली शहरातील विकासकामे ठप्प झाली हाेती. शिवाय रेतीच्या तुटवड्यामुळे शासकीय व खासगी कामे प्रभावित झाली हाेती. मात्र आता शासनाने अनलाॅक केल्यानंतर डिसेंबर महिन्यापासून विकासकामात काही प्रमाणात गती आली आहे.

न. प. प्रशासनाच्यावतीने विवेकानंदनगरात किराणा दुकानासमाेरील रस्त्याचे काम मंजूर करण्यात आले. खासगी कंत्राटदाराच्यावतीने काम करण्यात आले आहे. या राेडलगत एकाच बाजूला पक्क्या स्वरूपाची नाली यापूर्वीच बांधण्यात आली आहे. ही नाली किराणा दुकानाच्या बाजूने आहे. मात्र दुसऱ्या बाजूने नालीचे बांधकाम करण्यात आले नाही. गेल्या अनेक वर्षांपासून एका बाजूने नाली नसल्याने सांडपाणी वाहून जाण्याची माेठी समस्या निर्माण झाली आहे. परिणामी येथे काडीकचरा तसेच सांडपाणी साचून राहत असल्याने लगतच्या कुटुंबांना दुर्गंधीचा त्रास हाेत आहे. सातत्याने मागणी करूनही न. प. प्रशासनाने येथे नालीचे बांधकाम केले नाही. रस्त्यापूर्वी नाली बांधण्याची आवश्यकता हाेती. मात्र प्रशासनाने नाली बांधकामाला बगल देऊन सीसी राेडचे काम हाती घेतले आहे.

बाॅक्स ....

अनेक ठिकाणी मूलभूत समस्या कायम

शहरातील विवेकानंद वाॅर्डाला झाेपडपट्टी वाॅर्ड म्हणून ओळखले जाते. छाेट्या-माेठ्या राेजगारासाठी तसेच पाेटाची खळगी भरण्यासाठी शहराच्या बाहेरून अनेक कुटुंब या ठिकाणी स्थलांतरित झाले. पाहता-पाहता या वाॅर्डात घरांची संख्या वाढली. काही ठिकाणी विकासकामे झाली आहेत. मात्र अजूनही बऱ्याच ठिकाणी पक्के रस्ते, नाली आदी सुविधांचा अभाव आहे.