ठाणेगाव ते रांगी या रस्ता दुरुस्तीच्या कामाची ई निविदा सार्वजनिक बांधकाम विभाग धानोरा यांच्याकडून काढण्यात आली. या राज्यमार्गाचे काम धानोरा सार्वजनिक बांधकाम विभागाच्या अखत्यारीत येत असल्याने ठाणेगाव-वैरागडदरम्यानचा रस्ता आरमोरी बांधकाम विभागाचा असला तरी सध्या त्याची दुरुस्ती धानोरा बांधकाम विभागाने करायची आहे, असे आरमोरी येथील उपविभागीय अभियंत्याचे म्हणणे आहे.
वैरागड-ठाणेगाव या मार्गाने छत्तीसगड-आंध्र प्रदेश अशी आंतरराज्य वाहतूक चालत असल्याने नेहमीच जड वाहनांची वर्दळ असते. या मार्गावर अनेक ठिकाणी पडलेल्या खड्ड्यांमुळे आजपर्यंत अनेक अपघात झाले आहेत. पुन्हा धानाेरा, आरमोरी बांधकाम विभागाच्या वादात किती जीव घेतले जातील, असे नागरिकांचे म्हणणे आहे.
बॉक्स
स्वखर्चाने खड्डे बुजविले
वैरागड - ठाणेगावदरम्यान वैरागडपासून १ कि.मी. अंतरावर रस्त्याच्या मधोमध मोठा खड्डा पडला होता. या खड्ड्यांमुळे अनेकदा अपघात झाले. याबाबत वारंवार आरमोरी बांधकाम विभागाकडे तक्रारी करूनही लक्ष वेधण्याचा प्रयत्न केला. मात्र, निष्क्रिय आरमोरीच्या सार्वजनिक बांधकाम विभागाला जाग आली नाही. शेवटी जि.प. सदस्य संपत आडे यांनी स्वखर्चाने हा खड्डा बुजविला.
===Photopath===
120421\12gad_17_12042021_30.jpg
===Caption===
वैरागड - ठाणेगाव दरम्यानच्या रस्त्याची झालेली दुरावस्था