आलापल्ली-सिराेंचा मार्गाची दुरूस्ती करा

गडचिराेली : आलापल्ली-सिराेंचा या राष्ट्रीय महामार्गावर माेठ्या प्रमाणात खड्डे पडले आहेत. या १०० किलोमीटर मार्गावरून वाहने नेताना वाहनचालकांना खूपच त्रास सहन करावा लागत आहे. या मार्गाची दुरूस्ती करावी, अशी मागणी नागरिकांनी केली आहे.

सिराेंचा-आलापल्ली मार्गावर पावसाळ्यातच माेठमाेठे खड्डे पडले हाेते. मात्र, बांधकाम विभागाने या खड्ड्यांची डागडुजी केली नाही. त्यामुळे खड्ड्यांचा आकार वाढत गेला. स्थानिक नागरिकांनी अनेकवेळा निवेदने देऊनही प्रशासनाने याकडे दुर्लक्ष केले आहे. अहेरी तालुक्यातील अनेक नागरिक सिराेंचामार्गे तेलंगणा राज्यात जातात. तसेच शेकडाे कर्मचारी या मार्गाने प्रवास करतात. मात्र, खड्ड्यांमुळे १०० किलोमीटरचा प्रवास करण्यासाठी तीन ते चार तासांचा कालावधी लागत आहे. तसेच अनावश्यक डिझेल व पेट्राेल लागत असल्याने आर्थिक भुर्दंडही पडत आहे. राष्ट्रीय महामार्ग प्राधिकरणाने या रस्त्याच्या दुरुस्तीकडे लक्ष द्यावे, अशी मागणी हाेत आहे.