जिल्ह्यातील ९४४ शेतकऱ्यांची महाडीबीटी पोर्टलवर नोंदणी

गडचिराेली : केंद्र व राज्य शासनाच्या प्रमुख १३ याेजनांचा लाभ देण्यासाठी राज्य शासनाच्या महाडीबीटी पाेर्टलवर शेतकऱ्यांनी नाेंदणी करणे आवश्यक करण्यात आले आहे. ३१ डिसेंबरपर्यंत जिल्हाभरातील ९४४ शेतकऱ्यांनी पाेर्टलवर अर्ज केले आहेत. अर्ज करण्याला आता ११ जानेवारीपर्यंत मुदतवाढ देण्यात आली आहे. त्यामुळे शेतकऱ्यांची संख्या आणखी वाढेल, अशी अपेक्षा व्यक्त केली जात आहे.

शासनामार्फत शेतकऱ्यांसाठी विविध याेजना राबविल्या जातात. प्रत्येक याेजनेसाठी शेतकऱ्यांना स्वतंत्र अर्ज करावा लागत हाेता. यामध्ये शेतकऱ्यांचा वेळ, पैसा, श्रम वाया जात हाेता. यापासून शेतकऱ्यांची मुक्ती करण्यासाठी राज्य शासनाने महाडीबीटी पाेर्टलवर नाेंदणी करण्याच्या सूचना दिल्या आहेत. यासाठी पाेर्टलवर शेतकरी याेजना हे स्वतंत्र हेड तयार करण्यात आले आहे. अर्जाची निवड करण्यापासून ते प्रत्यक्ष लाभ मिळेपर्यंतची संपूर्ण प्रक्रिया या पाेर्टलद्वारेच करण्यात आली आहे. याेजनेच्या विविध टप्प्यांवर संबंधित शेतकऱ्याच्या माेबाईलवर एसएमएस पाठविल्या जाईल. यामुळे याेजनेत पारदर्शकता येण्यास मदत हाेईल, अशी शेतकऱ्यांना अपेक्षा आहे.

बाॅक्स

या याेजनांच्या लाभासाठी केली जात आहे नाेंदणी

प्रधानमंत्री कृषी सिंचन याेजना, मुख्यमंत्री शाश्वत कृषी सिंचन याेजना, कृषी यांत्रिकीकरण, राष्ट्रीय अन्न सुरक्षा अभियान, एकात्मिक फलाेत्पादन विकास अभियान, भाऊसाहेब फुंडकर फळबाग लागवड याेजना, बिरसा मुंडा कृषी क्रांती याेजना, डाॅ. बाबासाहेब आंबेडकर कृषी स्वावलंबन याेजना, राष्ट्रीय कृषी विकास याेजनेंतर्गत मंजूर हाेणारे विविध विभागांचे प्रकल्प या याेजनांसाठी नाेंदणी हाेणार आहे.

कशी कराल नोंदणी?

इच्छुक शेतकऱ्यांनी महाराष्ट्र शासनाच्या महाडीबीटी या पाेर्टलवर जाऊन शेतकरी याेजना हा पर्याय निवडावा. वापरकर्त्याने नाव व संकेतशब्द तयार करून आपले लाॅगीन तयार करावे. शेतकऱ्यांनी आधार क्रमांक संकेतस्थळावर प्रमाणित करून घ्यावा. वैयक्तिक माहिती, पत्ता, स्वत:च्या नावे असलेली शेती, कुटुंबाचा तपशील, शेतावरील वीज उपलब्धता यांची माहिती भरावी लागेल.

काेट

शेतकऱ्यांनी नाेंदणी करावी

एकाच नाेंदणीवर अनेक याेजनांचा लाभ दिला जाणार असल्याने शेतकऱ्यांचा श्रम, पैसा व वेळ वाचण्यास मदत हाेणार आहे. जास्तीत जास्त शेतकऱ्यांनी नाेंदणी करावी, यासाठी कृषी विभागाचे सर्वच कर्मचारी व अधिकारी प्रयत्न करीत आहेत. नाेंदणीसाठी मुदतवाढ दिल्याने पुन्हा नाेंदणी करणाऱ्या शेतकऱ्यांची संख्या वाढण्याची शक्यता आहे.

- भाऊसाहेब बऱ्हाटे,

जिल्हा अधीक्षक कृषी अधिकारी

वेळ व श्रम वाचला

यापूर्वी प्रत्येक याेजनेसाठी स्वतंत्र अर्ज करावा लागत हाेता. त्यासाठी शेतकऱ्यांचे अनेक दिवस वाया जात हाेते. तसेच प्रत्येक याेजनेच्या प्रक्रियेवर लक्ष ठेवावे लागत हाेते. आता मात्र एकाच नाेंदणीवर अनेक याेजनांचा लाभ दिला जात आहे. त्यामुळे शेतकऱ्यांचा वेळ व श्रम वाचला आहे. सर्वच याेजनांचा ऑनलाईन पध्दतीने लाभ देण्याची गरज निर्माण झाली आहे.

- चंद्रशेखर बाेबाटे

शेतकरी, फराडा