गॅस सिलिंडरची किमत एक हजारच्या उंबरठ्यावर

दाेन वर्षांपूर्वी गॅसचा वापर केवळ शहरातीलच नागरिक करत हाेते. ग्रामीण भागातील एखादाच कुटुंब गॅसचा वापर स्वयंपाकासाठी करत हाेता. मात्र, उज्ज्वला याेजनेंतर्गत शासनाने ग्रामीण भागातही गॅस सिलिंडरचे वितरण केले. त्यामुळे ९० टक्के घरांमध्ये आता गॅस पाेहाेचला आहे. सिलिंडरसाठी काेणतेही अनामत रक्कम न ठेवता गॅस कनेक्शन उपलब्ध हाेत हाेते. त्यामुळे अनेकांनी गॅस घेतला. आता मात्र सातत्याने किमती वाढत असल्याने गॅस भरण्याचा प्रश्न निर्माण झाला आहे. ग्रामीण भागातील दाेन व्यक्तीच्या कुटुंबाला एक हजार रुपयांचा किराणा लागत नाही. अशा स्थितीत गॅससाठी हजार रुपये कसे काय भरायचे, असा प्रश्न नागरिकांसमाेर निर्माण झाला आहे.

बाॅक्स

सबसिडी तेवढीच, किमतीत वाढ

- दाेन वर्षांपूर्वी शासनाकडून २०० रुपयांपर्यंत सबसिडी दिली जात हाेती. त्यामुळे एखाद्या ग्राहकाने ५०० रुपयांचा सिलिंडर खरेदी केला तरी प्रत्यक्षात त्याला ताे सिलिंडर केवळ ३०० रुपयांना पडत हाेता. आता मात्र, सिलिंडरची किंमत एक हजार रुपयांच्या जवळपास पाेहाेचली आहे तरीही सबसिडी केवळ ४०.६० रुपये एवढीच ठेवली आहे. अनेकांना ही सबसिडीसुद्धा जमा हाेत नाही.

व्यावसायिक सिलिंडर ७५ रुपयांनी वाढले

घरगुती सिलिंडरची किंमत वाढवत असतानाच १९ किलाे वजनाचे व्यावसायिक कारणासाठी वापरले जाणारे सिलिंडर सुमारे ७५ रुपयांनी महाग झाले आहे. पूर्वी या सिलिंडरची किंमत १७५८ रुपये हाेती. आता ही किमत १८३३ रुपये झाली आहे.

- अनेक दुकानदार व्यावसायिक सिलिंडरचा वापर करतात. एकाचवेळी ७५ रुपयांनी सिलिंडर महागले आहे. त्यामुळे खर्च वाढून भाववाढ हाेण्याचा धाेका निर्माण झाला आहे.

काेट

शहरात चुली कशा पेटवायच्या

गॅस सिलिंडरच्या वाढत्या किंमती लक्षात घेऊन ग्रामीण भागातील कुटुंब पुन्हा चुलीवरच स्वयंपाक करत आहेत. ग्रामीण भागात सरपण उपलब्ध हाेऊ शकते. मात्र, शहरात कुठून सरपण आणणार. त्यामुळे गॅसची किंमत कितीही वाढली तरी गॅसवरच स्वयंपाक करावा लागणार आहे.

- दामिनी जरूरकर, गृहिणी

गॅस सिलिंडर हे अत्यावश्यक गरजेमध्ये माेडणारी वस्तू झाली आहे. त्यामुळे शासनाने गॅसवर जास्त प्रमाणात सबसिडी देण्याची गरज आहे. एक हजार रुपयांचा सिलिंडर खरेदी केल्यानंतर महिन्याचा बजेट बिघडत चालला आहे. शासनाने लक्ष देण्याची गरज आहे.

- मनिषा भांडेकर, गृहिणी

आठ महिन्यांत १६६ रुपयांची वाढ

महिना

जानेवारी ७५०

फेब्रुवारी ८५३

मार्च ८४६

एप्रिल ८४६

मे ८६५

जून ८६५

जुलै ८९१

ऑगस्ट ९१६

सप्टेंबर ९४१