पाेलिसांनी लावला दाेन तासांत हरविलेल्या पैशांंचा शाेध

भामरागड : भामरागड येथे जीवनावश्यक साहित्य खरेदी करण्यासाठी आलेल्या महिलेची पैशांची पिशवी चाेरट्यांनी चाेरून नेली. याबाबत सदर महिलेने पाेलीस स्टेशनमध्ये तक्रार केली. तपासाची चक्रे फिरवत पाेलिसांनी अवघ्या दाेन तासांत महिलेची पैशांची पिशवी परत केली.

गाेंगवाडा येथील अनिता नामदेव मडावी ही महिला २८ जानेवारीला जीवनावश्यक साहित्य खरेदी करण्यासाठी भामरागड येेथे आली हाेती. तिच्याजवळ ६ हजार २०० रुपये हाेते. मात्र, पैसे भरलेली पिशवी अनपेक्षितरित्या हरविली. अनितावर दु:खाचा डाेंगर काेसळला. रडकुंडीस आलेल्या अनिताने याबाबतची तक्रार भामरागड पाेलीस स्टेशनमध्ये केली. पाेलीस उपनिरीक्षक संघमित्रा बांबाेळे, पाेलीस शिपाई मलक्का मडावी, तारा आत्राम यांनी भामरागड पाेलीस स्टेशनमध्ये उपलब्ध असलेले सीसीटीव्ही फुटेज बघितले. या फुटेजवरून पिशवीचा शाेध घेण्यात आला. हरविलेली पिशवी अवघ्या दाेन तासांत अनिता मडावी हिला परत मिळाली. पैशांसह पिशवी बघून अनिताच्या डाेळ्यांत आनंदाश्रू वाहू लागले.