वर्षभरात मेडिकल कॉलेज सुरू करण्याचे नियोजन

मंगळवार, दि.२६ ला सकाळी ९.१५ वाजता ध्वजारोहणाचा मुख्य शासकीय समारंभ पोलीस कवायत मैदानात झाला. यावेळी ना. यड्रावकर यांनी

नक्षलवाद्यांचा मुकाबला करताना शहीद झालेल्या जवानांना श्रद्धांजली वाहिली. यावेळी जिल्हा परिषद अध्यक्ष अजय कंकडालवार, जिल्हाधिकारी दीपक सिंगला, मुख्य कार्यकारी अधिकारी कुमार आशीर्वाद, पोलीस अधीक्षक अंकित गोयल, प्रकल्प अधिकारी आशिष येरेकर, अतिरिक्त पोलीस अधीक्षक समीर शेख, गडचिरोलीच्या नगराध्यक्ष योगिता पिपरे, माजी आमदार डॉ. नामदेव उसेंडी, जिल्हा परिषद उपाध्यक्ष मनोहर पोरेटी, इतर पदाधिकारी व अधिकारी-कर्मचारी उपस्थित होते.

ध्वजारोहण पथसंचलनाचे नेतृत्व पोलीस उपअधीक्षक भाऊसाहेब ढोले यांनी केले.

यावेळी ना. यड्रावकर म्हणाले, आकांक्षित जिल्हा म्हणून देशातील ११५ जिल्ह्यांत गडचिरोली मोडतो. निती आयोगाने या जिल्ह्यातील कामकाजांचे मूल्यांकन करून कामांच्या प्रगतीत तिसरा क्रमांक दिला आहे. हा जिल्हा महाराष्ट्र राज्यामध्ये अभिमानाचे स्थान आहे. येथील वनसंपत्ती, खनिजे, आदिवासी संस्कृती, त्यांच्या रीती व परंपरा विशेष असल्याचे ते म्हणाले.

कार्यक्रमाचे संचालन निवृत्त क्रीडा अधिकारी मदन टापरे, शिक्षक ओमप्रकाश संग्रामे व नितेश झाडे यांनी केले. आभार निवासी उपजिल्हाधिकारी जी.एम. तळपाडे यांनी मानले.

(बॉक्स)

जिल्ह्यात सर्वांत कमी मृत्यूदर

गडचिरोली जिल्ह्यातील सर्व आरोग्य कर्मचारी, पोलीस व प्रशासनातील लोक मेहनत करून संसर्गाला रोखण्यासाठी योगदान देत आहेत. जनतेने केलेल्या सहकार्यामुळे कोरोनाला रोखण्यात मदत झाली. यापुढेही अशीच मदत सर्वांकडून अपेक्षित आहे. राज्यात सर्वांत कमी कोरोनाचे रुग्ण या जिल्ह्यात असून, सर्वांत कमी मृत्यूदरही आहे.

उत्कृष्ट कामगिरीसाठी अनेकांचा सत्कार

- यावेळी विविध क्षेत्रांत उत्कृष्ट कामगिरी केलेल्यांचा गौरव करण्यात आला. त्यात शौर्यपदक मिळालेले पीएसआय नागनाथ गुरुसिद्ध पाटील, नायक महादेव मारुती मडावी, कमलेश अशोक अर्का, शिपाई हेमंत कोरके मडावी, अमुल श्रीराम जगताप, वेल्ला कोरके आत्राम, सुधाकर मलय्या मोगलीवार, बियेश्वर विष्णू गेडाम यांचा सन्मान करण्यात आला, तसेच नायक गिरीश मारुती ढेकले, नीलेश मारुती ढुमणे यांचाही सन्मान करण्यात आला. राष्ट्रपती सेवा पदकप्राप्त गुप्तवार्ता अधिकारी राजू इरपा उसेंडी यांनाही सन्मान मिळाला.

- प्रशासनातील उत्कृष्ट कामाकरिता अपर जिल्हाधिकारी अनंत वालस्कर, उपजिल्हाधिकारी निवडणूक कल्पना नीळ (ठुबे), जिल्हा माहिती अधिकारी सचिन अडसूळ, जिल्हा आपत्ती व्यवस्थापन अधिकारी कृष्णा रेड्डी, पीएम फेलो सुधाकर गवंडगवे, उदित अग्रवाल, महसूल सहायक गणेश गेडाम, अव्वल कारकून किशोर मडावी, वनपरिक्षेत्र अधिकारी दक्षिण धानोरा आर.एच. चौधरी, क्षेत्र सहायक कुनघाडा वनपरिक्षेत्र एस.एम. मडावी, तसेच महाराष्ट्रातील सर्वांत उंच शिखर कळसूबाई चढून सर केल्याबद्दल करिश्मा नरेंद्र मल (माहेश्वरी) हिचाही सत्कार करण्यात आला.