९० हजार चिमुकल्यांना पाजणार पाेलिओ डाेज

सन २००५ पासून शासनाच्या वतीने पल्स पाेलिओ माेहीम नियमितपणे राबविली जात असून या माेहिमेला १६ वर्षे पूर्ण झाली आहेत. ही माेहीम यशस्वी करण्यासाठी आराेग्य विभागाच्या वतीने डिसेंबरअखेर वैद्यकीय अधिकारी, आराेग्य कर्मचाऱ्यांचे ऑनलाईन प्रशिक्षण घेण्यात आले. पल्स पाेलिओच्या डाेसपासून एकही बालक वंचित राहू नये, याची संपूर्ण खबरदारी आराेग्य विभागाच्या वतीने घेतली जाणार आहे. माेहिमेनंतर ग्रामीण भागात तीन दिवस व शहरी भागात दाेन दिवस आराेग्य कर्मचारी घराेघरी भेटी देऊन पाेलिओ डाेस देणार आहेत.

बाॅक्स....

० ते ५ वर्षे वयाेगटातील लाभार्थी - ८९,७१०

पाेलिओ डाेस प्राप्त - १,१६,५२७

एकूण बुथ - २,१४२

आराेग्यसेवक, सेविका - ५२६

पर्यवेक्षक - १९

लसीकरणाची वेळ - सकाळी ८ ते सायंकाळी ५

माेबाईल पथक - ९५

ट्राॅझिस्ट टीम - १३७

आराेग्य संस्था - ९१२

काेट....

पल्स पाेलिओ डाेस पाजण्यासाठी बालक व पालकांची केंद्रावर गर्दी हाेणार नाही, याची खबरदारी घेण्यात येणार आहे. काेविडचा प्रादुर्भाव हाेऊ नये, यासाठी आराेग्य विभाग दक्ष असून प्रत्येक पालकांनी आपल्या बालकांना पाेलिओ डाेस पाजून घ्यावा. यासाठी आराेग्य पथकाला पूर्ण सहकार्य करावे.

- डाॅ.विनाेद म्हशाखेत्री, सहाय्यक आराेग्य अधिकारी, जि. प. गडचिराेली

बाॅक्स....

६८ वाहने उपलब्ध

पल्स पाेलिओ लसीकरण माेहिमेसाठी प्राथमिक आराेग्य केंद्र, तालुकास्तर व जिल्हा मुख्यालयस्तरावर मिळून एकूण ८४ वाहनांची आवश्यकता आहे. सद्य:स्थितीत आराेग्य विभागाकडे सर्व मिळून ६८ वाहने उपलब्ध आहेत. २० वाहने भाडेतत्त्वावर घेण्याची शक्यता आहे. या पल्स पाेलिओ माेहिमेसाठी एकूण ६ हजार ४७९ कर्मचाऱ्यांचे मनुष्यबळ लागणार आहे व तसे नियाेजन झाले आहे. यामध्ये अधिकाऱ्यांचाही समावेश आहे.