Gadchiroli News | Latest Gadchiroli News in Marathi | Gadchiroli Local News Updates | ताज्या बातम्या गडचिरोली | गडचिरोली समाचार | Gadchiroli Newspaper

२१ गावांतील : योजनेवरील खर्च व्यर्थ; उन्हाळ्यात पाणी टंचाई जाणवणारगडचिरोली : राज्य शासनाच्या जलस्वराज्य टप्पा १, महाराष्ट्र जीवन प्राधीकरण व जिल्हा परिषदेंतर्गत ग्रामीण पाणी पुरवठा विभागामार्फत ३-४ वर्षांपूर्वी मंजूर करून जिल्ह्यातील गडचिरोली व अहेरी उपविभागाच्या हद्दीतील गावांमध्ये २१ नळ पाणी पुरवठा योजना मंजूर करून कार्यान्वित करण्यात आला. सदर २१ योजना केवळ काही महिन्यातच बंद पडल्या. या २१ पैकी दोन नळ पाणी पुरवठा योजनेचे काम पूर्णपणे निधी देऊनही अपूर्णच आहेत. उपविभागाच्या तसेच ग्रा.पं.च्या भोंगळ कारभारामुळे उन्हाळ्या या गावात पाणी टंचाई जाणवणार आहे.जिल्ह्यात अहेरी व गडचिरोली ग्रामीण पाणी पुरवठा उपविभागाच्या हद्दीतील २१ ग्रामपंचायतीच्या गावात जलस्वराज्य टप्पा - १, महाराष्ट्र जीवन प्राधीकरण व जिल्हा परिषदेंतर्गत नळ पाणी पुरवठा योजना मंजूर करून बांधकाम करण्यात आले. २१ पैकी १९ नळ पाणी पुरवठा योजनेचे काम पूर्ण करून त्या कार्यान्वित करण्यात आल्या. मात्र मेंटनन्स खर्च, थकीत विद्युत बिल, तसेच पुरेशा घरगुती नळ जोडणीचा अभाव यासह विविध कारणामुळे या सर्व नळ योजना गेल्या काही वर्षांपासून ठप्प पडल्या आहेत. सद्य:स्थितीत बंद असलेल्या नळ पाणी पुरवठा योजनांमध्ये अहेरी उपविभागातील इंदाराम, जिमलगट्टा, कमलापूर, खमनचेरू, पेठा, राजाराम, व्यंकटरावपेठा, लाहेरी, हेटी, गेदा, कसनसूर, नान्ही, मुलचेरा, येला, गुमलकोंडा, जाफ्राबाद, कोर्ला, मेडारामा, मोयाबिनपेठा, नारायणपूर व नरसिंहपल्ली आदी ग्रामपंचायतीच्या गावातील नळ पाणी पुरवठा योजनांचा समावेश आहे. सदर २१ नळ पाणी पुरवठा योजना तयार करून कार्यान्वित करण्यासाठी शासनाचे करोडो रूपये खर्च झाले आहेत. मात्र काही महिन्यातच या २१ योजना ठप्प पडल्याने शासनाच्या तिजोरीला चूना लागला आहे. सदर योजना अपयशी होण्यासाठी ग्रामीण पाणी पुरवठा उपविभाग, संबंधीत ग्रामपंचायत प्रशासन व ग्रामपंचायतीचे पदाधिकारी जबाबदार असल्याचा आरोप संबंधीत गावातील नागरिकांनी केला आहे. सध्या या गावातील नागरिक सार्वजनिक विहीर व हातपंपाच्या भरवशावर पाण्याची गरज भागवित आहेत. (स्थानिक प्रतिनिधी)

Gadchiroli (Marathi News)