दीडशे युवक-युवतींना मिळणार हाॅस्पिटॅलिटी व ऑटाेमाेबाईल प्रशिक्षण

अतिदुर्गम व नक्षलग्रस्त भागातील युवांना राेजगाराची संधी उपलब्ध व्हावी यासाठी पाेलीस दलाच्या वतीने राेजगार मेळावा हे ॲप तयार करण्यात आले आहे. या ॲपमध्ये ५ हजार युवक-युवतींनी नाेंदणी केली आहे. या ॲपच्या माध्यमातून १३४६ बेराेजगारांना राेजगार प्राप्त झाला आहे. इच्छुकांना काैशल्यावर आधारित विविध प्रशिक्षणसुद्धा दिले जात आहे. याचाच एक भाग म्हणून शुक्रवारी हाॅस्पिटॅलिटी व ऑटाेमाेबाईल प्रशिक्षणासाठी निवड झालेल्या युवक-युवतींना नियुक्ती प्रमाणपत्र वितरित करण्यात आले. यावेळी अपर पाेलीस अधीक्षक (अभियान) मनीष कलवानिया, पाेलीस उपअधीक्षक(अभियान)भाऊसाहेब ढाेले, एज्युकेशन फाऊंडेशनचे क्लस्टर प्रमुख डाॅ. विशाल जयस्वाल, आशिष इंगळे, भाग्यश्री देशमुख, संदीप तंत्रपले, किशाेर काळे उपस्थित हाेते.

कार्यक्रमाच्या यशस्वीतेसाठी नागरी कृती शाखेचे प्रभारी अधिकारी सहायक पाेलीस निरीक्षक महादेव शेलार व पाेलीस कर्मचाऱ्यांनी सहकार्य केले.