नवीन कोरोनाबाधितांत सातत्याने घट सुरू

नवीन रुग्णांच्या तुलनेत कोरोनामुक्त होणाऱ्यांचे प्रमाण वाढल्यामुळे सक्रिय रुग्णांचेही प्रमाण कमी होत आहे. आता ३१४८ रुग्णांवर उपचार सुरू आहेत. आतापर्यंत बाधित रुग्णांचा आकडा २६ हजार ८२६ वर गेला आहे. त्यापैकी २३ हजार ७५ रुग्ण कोरोनामुक्त झाले आहेत.

आतापर्यंत जिल्हयात कोरोनाने ६०३ जणांचा बळी घेतला. शुक्रवारच्या १६ नवीन मृत्यूमध्ये गडचिरोली येथील ४२ वर्षीय पुरुष, चामोर्शी तालुक्यातील ३५ वर्षीय पुरुष, सिरोंचा तालुक्यातील ३५ वर्षीय पुरुष, सावली जि. चंद्रपूर येथील ६५ वर्षीय महिला, चामोर्शी तालुक्यातील ५१ वर्षीय महिला, सावली जि. चंद्रपूर येथील ५२ वर्षीय पुरुष, अहेरी तालुक्यातील २४ वर्षीय महिला, देसाईगंज तालुक्यातील ६७ वर्षीय महिला, गडचिरोली येथील ७२ वर्षीय पुरुष, देसाईगंज येथील २५ वर्षीय पुरुष, अहेरी तालुक्यातील ५८ वर्षीय पुरुष, देसाईगंज येथील ५७ वर्षीय पुरुष, ६५ वर्षीय पुरुष, चामोर्शी तालुक्यातील ६३ वर्षीय पुरुष, ६० वर्षीय पुरुष, गडचिरोली येथील ६० वर्षीय पुरुष आदींचा समावेश आहे.

नवीन १९१ बाधितांमध्ये गडचिरोली तालुक्यातील ७३, अहेरी तालुक्यातील ५, आरमोरी २, भामरागड तालुक्यातील ६, चामोर्शी तालुक्यातील १९, धानोरा तालुक्यातील २, एटापल्ली तालुक्यातील १०, कोरची तालुक्यातील १३, कुरखेडा तालुक्यातील १३, मुलचेरा तालुक्यातील ९, सिरोंचा तालुक्यातील १९, तर देसाईगंज तालुक्यातील २० जणांचा समावेश आहे.

कोरोनामुक्त झालेल्या ५७३ रुग्णांमध्ये गडचिरोली तालुक्यातील २०६, अहेरी ६५, आरमोरी ३१, भामरागड ६, चामोर्शी ३६, धानोरा १८, एटापल्ली ४४, मुलचेरा २१, सिरोंचा ३२, कोरची १७, कुरखेडा २८ तसेच देसाईगंज येथील ६९ जणांचा समावेश आहे.