‘माझे गाव, माझी जबाबदारी’ उपक्रमाची गरज

गावातील कोविड- १९ ही समिती प्रत्येक गावात अस्तित्वात आहे . त्या अनुषंगाने गावातील नागरिकांच्या आरोग्याचा विचार करून हा उपक्रम गावात राबविल्यास त्याला चांगले यश मिळू शकते.

कोरोना बाधित रुग्णांच्या संख्येत दिवसेंदिवस वाढ होत आहे. आता ग्रामीण भागातही कोरोनाने शिरकाव केला आहे. त्यासाठी आता ग्रामपंचायत स्तरावरील गावात विलगीकरण सेंटर निर्माण करून कोरोना रुग्णांच्या आरोग्याची काळजी घेण्यासाठी ग्रामपंचायतीने कोरोना रुग्णांच्या घरोघरी जाऊन ‘माझे गाव,माझी जबाबदारी’ या मोहिमेंतर्गत लोकसहभागातून आरोग्य तपासणी करावी. गावातील सर्व कुटुंबाच्या घरोघरी जाऊन रुग्णांची ऑक्सिजन तपासणी, शरीराचे तापमान मोजावे, रुग्णांच्या प्रकृतीची चौकशी करून प्रकृती अस्वस्थ वाटल्यास तालुका आरोग्य विभागाशी संपर्क साधावा.