सिराेंचात एकाच कुटुंबातील अनेक सदस्य बिनविराेध

लाेकमत न्यूज नेटवर्क

सिराेंचा : सिराेंचा तालुक्यातील ३० ग्रामपंचायतीमध्ये सार्वत्रिक निवडणुकीचा कार्यक्रम जाहीर करण्यात आला आहे. दुर्गम भागातील अनेक ग्रामपंचायतींमध्ये एका जागेसाठी एकच नामांकन प्राप्त झाले. तसेच काही ग्रामपंचायतीमध्ये एकाच कुटुंबातील दाेन ते तीन सदस्य बिनविराेध निवडून आले आहेत. मद्दिकुंठा ग्रामपंचायत ही सात सदस्यीय ग्रामंचायत आहे. प्रभाग क्रमांक १ मध्ये एका जागेसाठी व प्रभाग क्रमांक ३ मध्ये एका जागेसाठी एकाच कुटुंबातील दाेन सख्या भावांनी नामांकन दाखल केले. त्याच्याविराेधात एकही नामांकन दाखल झाला नाही. प्रभाग क्रमांक १ मध्ये एका जागेसाठी बेलनकाेंडा लसमय्या रामय्या यांनी तर प्रभाग क्रमांक ३ मध्ये बेलनकाेंडा पाेचालू रामय्या यांनी नामांकन दाखल केले आहे. त्याच्याच नात्यातील चुलत भावाच्या मुलीने सुध्दा प्रभाग क्रमांक १ मध्ये नामांकन दाखल केले. तिचे नाव इकमला सरीता मधुकर आहे. तिन्ही ठिकाणी एकच नामांकन दाखल झाल्याने या सर्वांची अविराेध निवड झाली आहे.

लक्ष्मीदेवीपेठा ग्रामपंचायतीत प्रभाग क्रमांक ३ मध्ये अनुसूचित जाती राखीव गटातून शानगाेंडा व्यंकटेश्वर चंद्रय्या यांनी तर अनुसूचित जमाती महिला राखीव गटातून त्यांच्या पत्नी शानगाेंडा लक्ष्मी व्यंकटेश्वर यांनी नामांकन दाखल केले आहे. त्यांच्या विराेधात नामांकन नसल्याने त्यांची अविराेध निवड झाली आहे. दुर्गम भागातील नागरिकांकडे जातवैधता प्रमाणपत्र नाही. तसेच राजकारणात त्यांना फारसा रस नाही. त्यामुळे निवडणुकीत उमेदवारी अर्ज दाखल करीत नसल्याने अनेक प्रभागांमध्ये अविराेध निवड हाेते.

बाॅक्स

४७ जागा बिनविराेध

मद्दिकुंठा ग्रामपंचायतीत ५ जागा, रामंजापूर ग्रामपंचायतीत ७, काेपेला ७, काेलामार्का ७, आरडा ५, सुंकरअली ४, लक्ष्मीदेवीपेठा २, सिरकाेंडा माल १, टेकडामाेटला १, विठ्ठलरावपेठा २, नरसिंहापल्ली १, रमेशगुडम ३, पातागुडम २, गाेल्लागुडम ग्रामपंचायतीत एका जागेसाठी केवळ एकच नामांकन दाखल झाले आहे. रामंजापूर, काेपेला व काेर्लामाल या तिन्ही ग्रामपंचायती सात सदस्यीय असून या ग्रामपंचायतींच्या सर्वच जागांची निवडणूक बिनविराेध झाली आहे.