नळ जाेडणीअभावी महागावची पाणी याेजना ठरली कुचकामी

महागाव बु. : अहेरी तालुका मुख्यालयापासून केवळ सात किमी अंतरावर असलेल्या महागाव बु. येथे मुख्यमंत्री ग्रामीण पेयजल याेजनेतून पाणी याेजना हाती घेण्यात आली. विहीर, टाकी बांधकाम, नळ पाईपलाईन आदी कामे पूर्ण करण्यात आली; मात्र घरगुती नळ जाेडणीअभावी ही पाणी याेजना कुचकामी ठरली आहे.

मुख्यमंत्री ग्रामीण पेयजल याेजनेंतर्गत महागाव बु. येथे प्राणहिता नदीवर माेठी विहीर खाेदून त्याचे काम करण्यात आले. महागाव बुज व महागाव खुर्द या दाेन गावांसाठी ५० हजार लिटर क्षमतेच्या दाेन ठिकाणी स्वतंत्र दाेन जलकुंभ उभारण्यात आले. २०१८-१९ या वर्षात या याेजनेचे संपूर्ण काम करण्यात आले. परंतु पाईपलाईनद्वारे घरगुती नळ कनेक्शनचे काम शिल्लक आहे. परिणामी या दाेन्ही गावातील नागरिकांना पाण्यासाठी भटकंती करावी लागते. उन्हाळ्यात एप्रिल व मे महिन्यात पाणी पातळी खालावत असल्यामुळे सार्वजनिक विहीर व हातपंप निकामी ठरतात. उन्हाळ्यात येथे भीषण पाणी संकट निर्माण हाेते.

ग्रामपंचायत पदाधिकारी व प्रशासनाने ठाेस उपाययाेजना करून गावातील पाणी समस्या मार्गी लावावी. नळ पाणीपुरवठा याेजना कार्यान्वित करावी, अशी मागणी नागरिकांनी केली आहे.

बाॅक्स .....

अहेरी उपविभागातील अनेक पाणी याेजना थंडबस्त्यात

अहेरी उपविभागातील पाचही तालुक्यांच्या माेठ्या गावांमध्ये जि. प. ग्रामीण पाणीपुरवठा विभागाच्यावतीने नळ पाणीपुरवठा याेजनेचे काम हाती घेण्यात आले. मात्र थकीत विद्युत बिल व नियाेजनाअभावी अनेक पाणी याेजना बंद पडल्या आहेत.