तुळशीत कृषी सहायकाने दिले धान लावणीच्या पट्टा पद्धतीचे धडे

# तुळशी येथिल शेतकरी मोरेश्वर दुनेदार यांच्या शेतात प्रात्यक्षिक

तुळशी : तालुका कृषी कार्यालय वडसाच्या वतीने कृषी सहाय्यक सुधाकर कोहळे यांनी तुळशी येथील शेतकरी मोरेश्वर दुनेदार यांच्या शेतात शेतकरी व मजुरांना धान लावणीच्या पट्टा पध्दतीचे महत्त्व व फायदे याचे धडे देत त्यांच्याकडून प्रात्यक्षिक करवून घेतले.

शेतकरी धान पीक लागवड मोठ्या प्रमाणावर करतात. मागील २-३ वर्षांपासून वातावरणात झालेल्या बदलांमुळे धान पिकांवर कीड व रोगांचा प्रादुर्भाव मोठ्या प्रमाणावर आढळून येत असल्याने, उत्पादन खर्चात वाढ होऊन शेतकऱ्यांना नुकसान सहन करावे लागत आहे. याकरिता एकात्मिक कीड व्यवस्थापन पध्दतीने उत्पादन वाढवण्याच्या दृष्टीने धान लागवडीची एक पट्टा पद्धत खूप किफायतशीर पध्दत प्रचलित झालेली आहे, असे त्यांनी यावेळी सांगितले.

मोकळ्या पट्ट्यातून पिकांचे निरीक्षण करणे व फवारणी करणे, खते देणे, पिकातील भेसळ काढणे सोयीचे होते. फुटव्यांची संख्या वाढते, रोपांची संख्या कमी लागत असल्याने बियाणांची बचत होते. त्यामुळे उत्पादन खर्च कमी होऊन उत्पादन वाढते. शेतकऱ्यांनी धान लागवड पट्टा पध्दतीने करावे, असे यावेळी शेतकऱ्यांना कृषी सहाय्यक सुधारक कोहळे यांनी केले. यावेळी शेतकरी मोरेश्वर दुनेदार उपस्थित होते.

(बॉक्स)

अशी असते पट्टा पद्धतीची लावणी

पट्टा पध्दतीत लवकर येणारे धान पिकाचे वाण २०:२० अंतरावर तसेच मध्यम व उशीरा येणारे धान पिकाचे वाण २५:२५ अंतरावर प्रती दोन ते तीन रोपे घेऊन उथळ व सरळ रोवणी करावी लागते. ८ ते १० ओळी सलग रोवणी झाल्यानंतर ३० ते ४० सेमी अंतर सोडून पुन्हा रोवणी करावी लागते. लागवड शक्यतो पूर्व -पश्चिम दिशेने करावी. त्यामुळे दोन ओळीत हवा खेळती राहते. फवारणी करताना चालण्यासाठी आपण या ओळींचा वापर करू शकतो. ३०-४० सेमी जागा सोडल्यामुळे सूर्यप्रकाश जमिनीपर्यंत पोहचतात. तुडतुडाच्या वाढीस व प्रसारास नैसर्गिक अडथळा निर्माण होतो.

100721\img-20210710-wa0016.jpg

# तुळशी येथिल शेतकरी मोरेश्वर दुनेदार यांच्या शेतात पट्टा पध्दतीने भात पिकाच्या लागवडचे प्रात्यक्षिक