बांधकामाच्या मजुरीपासून मजूर वंचित

धानाेरा : तालुक्यातील बाेदीन येथे विविध याेजनांच्या माध्यमातून बांधकामे करण्यात आली. परंतु अनेक महिन्यांचा कालावधी उलटूनही अद्याप मजुरी मिळाली नाही. त्यामुळे मजुरांमध्ये संताप आहे. लवकर मजुरी न दिल्यास मुंगनेर ग्राम पंचायतीला कुलूप ठाेकण्यात येईल, असा इशारा बाेदीनवासीयांनी पंचायत समितीमार्फत जि. प. सीईओंना पाठविलेल्या निवेदनाद्वारे दिला. धानाेरा तालुका मुख्यालयापासून २० किमी अंतरावर छत्तीसगड सीमेलगत मुंगनेर हे गाव आहे. मुंगनेर ग्रा. पं. अंतर्गत बाेदीन हे गाव येते. बाेदीन येथे आदिवासी सुधार याेजना, ठक्करबाप्पा याेजनेंतर्गत सिमेंट रस्त्याचे बांधकाम करण्यात आले. परंतु पाच महिन्यांचा कालावधी उलटूनही मजुरी देण्यात आली नाही. ग्रामसेवक व बीडीओंना याबाबत विचारणा केली असता, केवळ आश्वासन देण्यात आले. तसेच गावातील शाैचालय बांधकामाचे अनुदान दाेन वर्षापासून मिळाले नाही. येनगाव येथील शाळा वर्गखाेली बांधकामाची मजुरी मिळाली नाही. मुंगनेर येथील आराेग्य उपकेंद्राच्या संरक्षक भिंत बांधकामाची मजुरी व साहित्याचे पैसे मिळाले नाही. त्यामुळे लवकर मजुरी द्यावी, अन्यथा मुंगनेर ग्रा. पं. ला कुलूप ठाेकण्यात येईल, असा इशारा बाेदीन ग्रामसभेने दिला आहे. यावेळी ग्रामसभाध्यक्ष महादेव जाळे, सचिव अंताराम उसेंडी, ऋषी जाळे, दयाराम गावळे, शेरू कुमाेटी, सुरेश जाळे, जग्गू जाळे, शालिकराम धुर्वे, सुरजू पदा, रूमदेव जाळे, देवसाय धुर्वे, साेनू किरकाे, जयराम गावडे, देवकू धुर्वे, वासुदेव जाळे, रमेश धुर्वे, साधुराम जाळे, सनकू मडावी, उत्तम जाळे, याेगी जाळे, सनकू गावडे उपस्थित हाेते.

बाॅक्स ......

खुर्चीला दिले निवेदन

धानाेरा तालुक्याच्या दुर्गम व नक्षलग्रस्त बाेदीन गावातून अनेक नागरिक धानाेरा येथे पंचायत समितीमध्ये निवेदन देण्यासाठी आले हाेते. परंतु संवर्ग विकास अधिकारी कार्यालयात हजर नव्हते. तेव्हा नागरिकांनी रिकाम्या खूर्चीला निवेदन दिले. दुर्गम भागातून आलेल्या नागरिकांना अधिकारी भेटत नसल्याने त्यांनी राेष व्यक्त केला.