वर्षभरात १ कोटी ३२ लाखांचे उत्पन्न
By Admin | Updated: April 25, 2015 01:40 IST2015-04-25T01:40:47+5:302015-04-25T01:40:47+5:30
येथील नगर परिषद कार्यालयात असलेल्या दक्षिण-पूर्व मध्य रेल्वे आरक्षण केंद्रात रेल्वे प्रवासाचे आरक्षण करून वर्षभरात गडचिरोली जिल्ह्यातील २९ हजार ९४३ नागरिकांनी रेल्वेने प्रवास केला.
वर्षभरात १ कोटी ३२ लाखांचे उत्पन्न
गडचिरोली : येथील नगर परिषद कार्यालयात असलेल्या दक्षिण-पूर्व मध्य रेल्वे आरक्षण केंद्रात रेल्वे प्रवासाचे आरक्षण करून वर्षभरात गडचिरोली जिल्ह्यातील २९ हजार ९४३ नागरिकांनी रेल्वेने प्रवास केला. या आरक्षण केंद्राच्या माध्यमातून रेल्वेला वर्षभरात १ कोटी ३२ लाख १९ हजार ३३५ रूपयांच्या उत्पन्न मिळाले आहे.
१ मार्च २०१४ ते ३० एप्रिल २०१५ या आर्थिक वर्षात या केंद्राच्या माध्यमातून २९ हजार ९४३ नागरिकांनी आरक्षण मिळवून रेल्वे प्रवास केला. २०१४ च्या एप्रिल महिन्यात या केंद्रातून दोन हजार ९५२ नागरिकांनी आरक्षण मिळवून रेल्वे प्रवास केला. यातून रेल्वेला १३ लाख ७० हजार ८५ रूपयांचे उत्पन्न मिळाले. मे महिन्यात दोन हजार ५८५ नागरिकांनी रेल्वेचे आरक्षण केले. यातून ११ लाख २५ हजार ४६५ रूपयांचे उत्पन्न मिळाले. जून महिन्यात दोन हजार २९२ नागरिकांच्या आरक्षणातून नऊ लाख ४० हजार ९१० रूपयांचे उत्पन्न मिळाले. जुलै महिन्यात दोन हजार ६३७ नागरिकांनी या केंद्रातून रेल्वे प्रवासाचे आरक्षण केले. यातून ११ लाख ४९ हजार ५० रूपयांचे तर आॅगस्ट महिन्यात दोन हजार ५२४ प्रवाशांच्या माध्यमातून या रेल्वे आरक्षण केंद्रास ११ लाख ४९ हजार ६५० रूपयांचे उत्पन्न मिळाले. सप्टेंबर महिन्यात दोन हजार १६१ नागरिकांच्या प्रवासातून नऊ लाख २५ हजार ३३१ तर आॅक्टोबर महिन्यात दोन हजार ३६९ प्रवाशांच्या आरक्षणातून आरक्षण केंद्रास १० लाख २२ हजार ३८० रूपयांचे उत्पन्न मिळाले. नोव्हेंबर महिन्यात या आरक्षण केंद्रातून दोन हजार ८८७ नागरिकांनी रेल्वे प्रवासाचे आरक्षण केले. यातून १२ लाख ३६ हजार रूपये तर डिसेंबर महिन्यात दोन हजार ६६३ प्रवाशांच्या आरक्षणातून या आरक्षण केंद्रास ११ लाख २१ हजार ९९५ रूपयांचे उत्पन्न मिळाले.
२०१५ या वर्षातील जानेवारी महिन्यात एकूण दोन हजार १२७ नागरिकांनी रेल्वे प्रवासाचे आरक्षण केले. यातून आठ लाख ८४ हजार ३९०, फेब्रुवारी महिन्यात दोन हजार २३५ प्रवाशांच्या आरक्षणातून या केंद्रास नऊ लाख ८९ हजार ३७५ रूपयांचे उत्पन्न मिळाले. मार्च महिन्यात दोन हजार ५११ नागरिकांनी या केंद्रातून रेल्वे प्रवासाचे आरक्षण केले. यातून या केंद्रास १३ लाख चार हजार ८०५ रूपयांचे उत्पन्न मिळाले.
