स्वामी विवेकानंद व राजमाता जिजाऊ यांना अभिवादन

गडचिराेली : युवकांचे प्रेरणास्थान स्वामी विवेकानंद व राजमाता जिजाऊ यांच्या जयंतीचा कार्यक्रम शाळा, महाविद्यालय, राजकीय पक्ष व सामाजिक संघटनांच्या वतीने जिल्हाभर घेण्यात आला. त्यांच्या विचारकार्यावर प्रकाश टाकून त्यांना अभिवादन करण्यात आले.

महात्मा गांधी कला, विज्ञान महाविद्यालय, आरमाेरी : येथे राजमाता जिजाऊ व स्वामी विवेकानंद जयंती साजरी करण्यात आली. या निमित्ताने ‘मी सावित्री बाेलतेय, राष्ट्रमाता जिजाऊ व राष्ट्रीय विकासात युवकांची भूमिका’ या विषयावर ऑनलाइन वक्तृत्व स्पर्धा घेण्यात आली. या स्पर्धेत अनेक विद्यार्थ्यांनी भाग घेतला. स्पर्धेत प्रथम क्रमांक प्रियंका ठाकरे, द्वितीय पारिताेषिक लीना खिंचक, तर तृतीय क्रमांक टीनू माराेडे व मार्टिना घाेनमाेडे यांनी पटकाविला. यशस्वीतेसाठी प्रा. सतेंद्र साेनटक्के, प्रा. सीमा नागदेवे, प्रा. डाॅ. जयेश पापडकर, प्रा. डाॅ. राजेंद्र चव्हाण, डाॅ. अमिता बन्नाेरे, प्रा. सुनंदा कुमरे, गजेंद्र कढव यांनी सहकार्य केले.

माेहसीनभाई जव्हेरी महाविद्यालय, देसाईगंज : येथे राजमाता जिजाऊ व स्वामी विवेकानंद जयंती साजरी करण्यात आली. अध्यक्षस्थानी प्रभारी प्राचार्य डाॅ. पंकज चाैधरी हाेते. प्रमुख अतिथी म्हणून डाॅ. माे. शेख, डाॅ. नानाजी लांजेवार यांच्यासह शिक्षक व शिक्षकेत्तर कर्मचारी उपस्थित हाेते.