टेकडाताला आराेग्य केंद्राने गाठले शस्त्रक्रियेचे उद्दिष्ट

सिरोंचा : तालुक्यातील टेकडाताला येथील प्राथमिक आराेग्य केंद्राने कुटुंब नियाेजन कल्याण कार्यक्रमांतर्गत शस्त्रक्रियेचे उद्दिष्ट गाठले आहे. सन २०२०-२१ या वर्षात अनेक ठिकाणी शिबिर आयाेजित करून शस्त्रक्रिया पार पाडण्यात आल्या.

टेकडाताला प्राथमिक आराेग्य केंद्राला सन २०२०-२१ या वर्षात कुटुंबकल्याण कार्यक्रमांतर्गत १२२ शस्त्रक्रियेचे उद्दिष्ट देण्यात आले हाेते. या आराेग्य केंद्राने उद्दिष्टाच्या पलीकडे जाऊन १२३ शस्त्रक्रिया केल्या. यामध्ये स्त्री ८५ आणि पुरुषांच्या ३८ शस्त्रक्रियांचा समावेश आहे. टेकडाताला आराेग्य केंद्रांतर्गत बामणी येथे आराेग्य पथक व १३ आराेग्य उपकेंद्रे आहेत. दरवर्षी प्रत्येक उपकेंद्राला कुटुंब कल्याण शस्त्रक्रियेचे उद्दिष्ट नेमून दिले जाते.

यावर्षी कोरोनाच्या महामारीमुळे रुग्णाची पूर्व तपासणी करूनच शस्त्रक्रिया करण्यात आली आणि संपूर्ण नियम पाळून शिबिर घेण्यात आले.

प्राथमिक आराेग्य केंद्र टेकडाताला अंतर्गत एकूण १३ उपकेंद्रे आहेत. त्यामध्ये एकूण ३७ गावांचा समावेश असून, एकूण लोकसंख्या १८ हजार ३८५ आहे. टेकडाताला आराेग्य केंद्राचे वैद्यकीय अधिकारी डॉ. सचिन मडावी यांच्या नियाेजनबद्ध कामामुळे कुटुंबकल्याण शस्त्रक्रियेचे उद्दिष्ट पूर्ण करण्यात आले.