आरमोरी उपजिल्हा रुग्णालयात मदत कक्ष व संपर्क सेतू केंद्राची स्थापना

आरमोरी : साथी संस्था पुणे व आम्ही आमच्या आरोग्यासाठी संस्था कुरखेडा यांच्या संयुक्त विद्यमाने आरमोरी येथील उपजिल्हा रुग्णालयात मदत कक्ष व संपर्क सेतू केंद्र स्थापन करण्यात आले आहे. या केंद्राचे उद्घाटन नुकतेच करण्यात आले. संपर्क सेतू व मदत कक्षामुळे उपजिल्हा रुग्णालयात येणाऱ्या ग्रामीण भागातील रुग्णांना रुग्णालयातील उपलब्ध सोयी-सुविधांची माहिती देणे व आरोग्य मिळवून देण्यास सहकार्य मिळणार आहे.

गरोदर मातांना मिळणाऱ्या प्रधानमंत्री मातृवंदना योजनेचा लाभ, जननी सुरक्षा योजनेस पात्र असणाऱ्या स्तनदा मातेस लाभ मिळण्यास अडचण आल्यास ती अडचण सोडविण्यासाठी मदत करण्यात येणार आहे. तसेच आदिवासी महिलांना मिळणाऱ्या मातृत्व अनुदान योजनेकरिता सहकार्य करण्यात येणार आहे. रुग्णालयात येणाऱ्या रुग्णास कोविड-१९ या संसर्गजन्य आजाराविषयी शास्त्रीय माहिती देऊन कोरोनाविषयी असणारे गैरसमज दूर करण्यासाठी प्रयत्न केला जाणार आहे. गंभीर रुग्णांना संदर्भसेवा उपलब्ध करून देणे, ज्या रुग्णास शस्त्रक्रियेची आवश्यकता आहे त्यांना उपजिल्हा रुग्णालयातील आरोग्य मित्राच्या सहकार्याने महात्मा जोतिबा फुले जन आरोग्य योजना, प्रधानमंत्री जन आरोग्य योजनेचा लाभ मिळवून दिला जाणार आहे. तसेच तालुक्यातील वडधा, वैरागड, देलनवाडी या तीन प्राथमिक आरोग्य केंद्रांतर्गत येणाऱ्या ३० गावांत कोविड-१९ बाबत जनजागृती करण्यात येणार आहे.

मदत कक्ष व संपर्क सेतू केंद्राच्या उद्घाटनप्रसंगी संस्थेच्या सी. ए. एच. प्रकल्पाच्या जिल्हा समन्वयक शुभदा देशमुख, जिल्हा व्यवस्थापक विजयालक्ष्मी वघारे, तालुका समन्वयक पुष्पलता तिरपुडे, केंद्र समन्वयक गुरुदेव बांडे, दिव्यांग विदर्भ संघटनेच्या कोषाध्यक्ष निशा जांभुळकर, वैद्यकीय अधीक्षक डॉ. छाया उईके, डॉ. मनोज धात्रक, डॉ. कावळे, डॉ. खान, आदी उपस्थित होते.

===Photopath===

230521\img-20210522-wa0042.jpg

===Caption===

आरमोरी उपजिल्हा रुग्णालयात मदत कक्ष व संपर्क सेतु केंद्राच्या उद्घाटन प्रसंगी उपस्थित शुभदा2देशमुख