आरमोरीसह तालुकास्तरावर सर्व स्वतंत्र कोविड रुग्णालय उभारा

कोविड सारख्या व इतर येणाऱ्या महामारीचा सामना करण्यासाठी तालुकास्तरावर आरोग्य यंत्रणा व सोयीसुविधा अधिक बळकट करण्यासाठी शासन प्रशासन व लोकप्रतिनिधी लक्ष केंद्रित करावे. तालुका स्तरावर जर सर्व सुविधायुक्त शंभर खाटाचे स्वतंत्र कोविड रुग्णालय उभारल्यास तालुक्यातील रुग्णावर तालुक्याचं उपचार करणे सोईस्कर होईल .त्यामुळे तज्ञ डॉक्टर, व्हेंटिलेटर, आक्सिजन व विविध तपासणी यंत्रासह सर्व सोयीसुविधा युक्त रुग्णालय तालुका स्तरावर उभारण्यासाठी केंद्र व राज्य शासनाने पुढाकार घ्यावा. कोरोना आला म्हणून केअर सेंटर उभारण्यापेक्षा भविष्यात कोरोना सारख्या इतर आजाराचा सामना करण्यासाठी व वर्षभर इतर आजारावर सुद्धा तालुक्यातच उपचार व शस्त्रक्रिया करणे सुलभ जाईल. यासाठी मल्टीस्पेशालिटी रुग्णालय तालुकास्तरावर निर्माण करणे काळाची गरज आहे. जर प्रत्येक तालुका स्तरावर केंद्र व राज्य शासनाने सर्वसोयीसुविधा असलेली रुग्णालय उभारल्यास तालुक्यातील रुग्णांना उपचारासाठी इतरत्र भटकण्याची वेळ येणार नाही.. यासाठी आरमोरीसह तालुकास्तरावर किमान १०० खाटांचे स्वतंत्र रुग्णालय उभारण्यात यावे आणि यासाठी खासदार व आमदार यांनी सुद्धा आपल्या विकास निधीतुन सुविधा उपलब्ध करून द्याव्यात, अशी मागणी हंसराज बडोले, राजू गारोदे, श्रीनिवास आंबटवार, राहुल तितिरमारे, चिंतामण ढवळे, नादिर सय्यद सह अन्य नागरिकांनी केली आहे.