शिक्षण विभागातील भ्रष्टाचार प्रकरणांची चाैकशी करा

लोकमत न्यूज नेटवर्क

गडचिराेली : जिल्हा परिषदेच्या माध्यमिक शिक्षण विभागातील लिपिकाला लाचलुचपत प्रतिबंधक विभागाने तीन हजार रुपयांची लाच घेताना रंगेहात पकडले हाेते. यावरून माध्यमिक शिक्षण विभागात भ्रष्टाचार हाेताे, हे उघड झाले आहे. या प्रकरणासह यापूर्वीच्या सर्व भ्रष्टाचारांच्या प्रकरणांची चाैकशी करून दाेषींवर कारवाई करावी, अशी मागणी विदर्भ माध्यमिक शिक्षक संघाने शालेय शिक्षणमंत्र्यांच्या नावे जिल्हाधिकाऱ्यांना दिलेल्या निवेदनातून केली आहे.

निवासी उपजिल्हाधिकाऱ्यांनी हे निवेदन स्वीकारले. यावेळी शिक्षक संघटनेचे जिल्हाध्यक्ष दत्तात्रय खरवडे, जिल्हा कार्यवाह अजय लाेंढे, संजय दाैरेवार, यादव बानबले, सुरेंद्र मामीडवार, मनाेज निंबार्ते, यशवंत रायपुरे, अनिल गांगरेड्डीवार, किरण धाेडरे आदी उपस्थित हाेते.

या निवेदनात शिक्षण विभागाच्या अखत्यारित असलेल्या वेतन पथक कार्यालयातही भ्रष्टाचार होत आहे. वैयक्तिक मान्यता, वेतनेतर अनुदान, वैद्यकीय प्रतिपूर्ती, सेवानिवृत्तीचे प्रकरण, वेतन पथकातील देयके आदी हेतूपुरस्सरपणे प्रलंबित ठेवले जात असल्याचे संघटनेने म्हटले आहे.