बालाजी मंदिरात दीपाेत्सव साजरा

बालाजी मंदिरासमाेर आकर्षक रांगाेळी काढण्यात आली हाेती. ही रांगाेळी भाविकांचे लक्ष वेधून घेत हाेती. दीपाली रावत, गायत्री रावत या बहिणींनी रांगाेळी साकारून सर्वांनाच आश्चर्याचा धक्का दिला हाेता. विशेष म्हणजे धनुर्मासनिमित्त दरराेज सकाळी ५.३० ते सकाळी ६ वाजेपर्यंत भजन, आरती, गाेविंद नामावली, हनुमान चालिसा, संकट माेचन हनुमान अष्टकाचे सामुहिक पठण तसेच महिला भाविकांकडून श्री विष्णू सहस्त्र नामावलीचे पठण दरराेज केले जात हाेते. वैकुंठ एकादशीच्या दिवशी उत्तरद्वार दर्शनम् व संध्याकाळी विष्णूचे वाहन गरूडाची शाेभायात्रा काढण्यात आली हाेती. दरराेज पूजाअर्चा, आरती तसेच तीर्थ प्रसादाचे वितरण करण्यात येत आहे. धनुर्मासाची समाप्ती १३ जानेवारीला भाेगीच्या दिवशी हाेणार आहे. या निमित्ताने व्यंकटेश्वर व गाेदादेवी कल्याण महाेत्सव हाेणार आहे. तसेच महाप्रसादाचे वितरण करण्यात येणार आहे. त्यामुळे या महाेत्सवाला भाविकांनी उपस्थित राहावे, असे आवाहन मंदिर कमिटीतर्फे करण्यात आले आहे.

दरवर्षी व्यंकटेश्वर व गाेदादेवी कल्याण महाेत्सवाला भाविकांची माेठ्या प्रमाणावर गर्दी उसळते. परंतु यावर्षी काेराेनाचे संकट असल्याने भाविकांच्या गर्दीवरही परिणाम हाेण्याची शक्यता आहे. असे असले तरी बालाजी मंदिरात हा महाेत्सव उत्साहात साजरा केला जाणार आहे.