जनसंघर्ष यात्रेतून वेधले ज्वलंत प्रश्नांकडे लक्ष

गडचिराेली : केंद्र सरकारचे शेतकरीविरोधी कायदे रद्द करणे, ओबीसी जनगणना, शेतकरी कोर्ट, बेरोजगारी, मुस्लिम आरक्षण, आदिवासी जमीन, वनहक्क व पेसा कायदा, कर्मचारी पदोन्नती आरक्षण, वसतिगृह निर्मिती अशा विविध ज्वलंत व मूलभूत समस्यांना घेऊन बीआरएसपीतर्फे जनसंघर्ष यात्रा राज्यभर काढण्यात आली. गडचिराेली जिल्ह्यात बाईक रॅलीतून विविध समस्यांकडे लक्ष वेधण्यात आले.

प्रजासत्ताक दिनी २६ जानेवारीला कार व बाईक रॅली कोरचीपासून सुरुवात झाली. कोरची येथे बाजार चाैकात सभा घेऊन कुरखेडा येथे रथसभा घेण्यात आली. त्यानंतर देसाईगंज येथे दुपारी तीन वाजता पक्षाध्यक्ष ॲड. डाॅ. सुरेश माने यांची सभा फवारा चाैकात पार पडली. रॅलीचे नेतृत्व आरमोरी विधानसभा क्षेत्रप्रमुख सचिन गेडाम व युवा आघाडी प्रमुख सचिन वैद्य यांनी केले. गडचिरोली येथे सायंकाळी सहा वाजता संघर्ष यात्रा पोहाेचली. इंदिरा गांधी चाैकात सभा घेऊन यात्रेचा समारेाप करण्यात आला. या सभेला पक्षाचे संस्थापक अध्यक्ष ॲड. डाॅ. सुरेश माने मुख्य मार्गदर्शक म्हणून उपस्थित होते. सभेला ज्येष्ठ नेते रोहिदास राऊत, भाकपचे डाॅ. महेश काेपूलवार, बीआरएसपी विदर्भ अध्यक्ष विशेष फुटाणे, महासचिव संजय मगर, रमेश पाटील, महिला संयोजिका पूनम घोनमोडे उपस्थित होते. २७ जानेवारीला चामोर्शी व आष्टी येथे सभा घेऊन समारोप करून ही रॅली चंद्रपूर जिल्ह्याकडे रवाना झाली. रॅलीचे नियाेजन बीआरएसपीचे प्रदेश सचिव डाॅ. कैलास नगराळे, जिल्हाध्यक्ष राज बन्सोड यांच्या नेतृत्वात करण्यात आले. यशस्वीतेसाठी जिल्हा प्रभारी सदाशिव निमगडे, जिल्हा महासचिव पुरुषोत्तम रामटेके, कोषाध्यक्ष मिलिंद बांबोळे, गडचिरोली तालुकाध्यक्ष दीपक बोलीवार, महेश टिपले, प्रीतेश अंबादे, प्रतीक डांगे, धनंजय साहारे, सचिन गेडाम, हिरा राऊत, छाया साखरे, सचिन वैद्य, सचिन बन्सोड, जितेंद्र बांबोळे, संघरक्षित बांबोळे, प्रफुल रायपुरे, तुषार भडके, सतीश दुर्गमवार यांनी सहकार्य केले.