मंगीगुडम या गावात पोहोचण्यासाठी मोठा नाला असून, पावसाळ्यात या गावाचा तालुक्याशी संपर्क तुटत असतो. येथील शेतकरी, विद्यार्थी, आरोग्य कर्मचारी, शालेय कर्मचारी यांना नाहक प्रकारचा त्रास होत होता. मागील पावसाळ्यात अतिवृष्टीमुळे या नाल्यावरील छोटासा रपटा होता ताे वाहून गेला. सदर बाब जि.प. अध्यक्ष अजय कंकडालवार यांच्या लक्षात येताच त्यांनी नाल्यावर येऊन पाहणी केली. या ठिकाणी लवकरच मोठा पूल मंजूर करून आपला त्रास कमी करणार, असे आश्वासन मंगीगुडम गाववासीयांना कंकडालवार यांनी दिले हाेते. ५०५४-जनरल व इतर जिल्हा रस्ते विकास योजनेंतर्गत ६९ लाख ४३ हजार ६०६ रुपयांच्या निधीतून मंगीगुडम नाल्यावर पुलाचे काम मंजूर केले. पूल बांधकामाचे भूमिपूजन कंकडालवार यांच्या हस्ते करण्यात आले. यावेळी जि.प. सदस्य जयसुधा जनगाम, झिंगानूरच्या सरपंच नीलिमा मडावी, उपसरपंच शंकर गनारपू, तालुका अध्यक्ष बानय्य जनगम, व्यंकटापूरचे सरपंच अजय आत्राम, सरपंच लक्ष्मण गावडे, उपसरपंच किरण वैमुला, पेद्दी सुदाकर, दुर्गेश लबाडी, सरपंच इरपा, प्रशांत गोडशेलवार, राकेश अल्लूरवार, राकेश सडमेक, तसेच मंगीगुडम येथील महिला व पुरुष उपस्थित होते.
===Photopath===
120421\12gad_19_12042021_30.jpg
===Caption===
पूल बांधकामाचे भूमीपुजन करताना जि. प. अध्यक्ष अजय कंकडालवार