मोहसडव्याची ९० मडकी नष्ट

मौशीचक येथे जवळपास ४० व्यक्ती गावठी दारू गाळून त्याची विक्री करतात. आसपासच्या अनेक गावांना या दारूविक्रीचा त्रास सहन करावा लागतो. पाल नदीच्या आश्रयाने अनेक जण मोठ्या प्रमाणात मोहाचा सडवा टाकल्याची माहिती मुक्तिपथ उपसंघटक रेवनाथ मेश्राम यांना मिळाली. त्यांनी गडचिरोली पोलिसांना याची माहिती दिली.

ठळक मुद्देपोलीस व मुक्तिपथची कारवाई : मौशीचकच्या पाल नदीलगत दारू अड्डे केले उद्ध्वस्त

लोकमत न्यूज नेटवर्कगडचिरोली : तालुक्यातील मौशीचक गावाला लागून वाहणाऱ्या पाल नदीलगत टाकलेला तब्बल ९० मडकी मोहसडवा पोलीस व मुक्तिपथ चमूने नष्ट केला. शनिवारी ही कारवाई करण्यात आली. सडव्या सोबतच दारू गाळण्याचे साहित्यही पोलिसांनी नष्ट केले.मौशीचक येथे जवळपास ४० व्यक्ती गावठी दारू गाळून त्याची विक्री करतात. आसपासच्या अनेक गावांना या दारूविक्रीचा त्रास सहन करावा लागतो. पाल नदीच्या आश्रयाने अनेक जण मोठ्या प्रमाणात मोहाचा सडवा टाकल्याची माहिती मुक्तिपथ उपसंघटक रेवनाथ मेश्राम यांना मिळाली. त्यांनी गडचिरोली पोलिसांना याची माहिती दिली. पोलिसांनी त्यांच्यासोबत गावाजवळील नाल्याचा परिसर पिंजून काढला. यावेळी तब्बल १० ठिकाणी जमिनीखाली ९० मडक्यात गाडलेल्या स्थितीत मोहसडवा आढळून आला. हा सर्व सडवा मडक्यांसहित पोलीस व मुक्तिपथ चमूने नष्ट केला. सोबतच दारू गाळण्यासाठी वापरात येणारी लपवून ठेवलेली भांडीही यावेळी सापडली. ती देखील पोलिसांनी नष्ट केली. तब्बल दीड लाखाचा मुद्देमाल यावेळी नष्ट करण्यात आला.पोलीस निरीक्षक प्रदीप चौगावकर यांच्या मार्गदर्शनात बीट जमादार भास्कर ठाकरे, प्रमोद वाळके आणि दिनकर मेश्राम यांनी ही कारवाई केली. कारवाईसाठी भिकारमौशी येथील माजी पोलीस पाटील दिवाकर निलेकार यांनीही सहकार्य केले. परिसराच्या बोथेडा व मरेगावातही मोठ्या प्रमाणात मोहफुलाची दारू गाळली जात आहे.सावरगावात घरांची झडतीराज्याच्या शेवटच्या टोकाला असलेल्या धानोरा तालुक्यातील सावरगाव येथे शनिवारी येथील पोलीस निरीक्षक कुमार ढेरे यांच्या मार्गदशनात पोलीस कर्मचाऱ्यांनी दारू विक्रेत्यांच्या घराची झडती घेतली. यावेळी एका घरी सापडलेला सडवा पोलिसांनी नष्ट केला. सर्रास दारू विक्री होत असल्याने इतर विक्रेत्यांना दारू विक्री पूर्णत: थांबविण्याची तंबी दिली. यावेळी मुक्तिपथ तालुका प्रेरक अक्षय पेद्दीवार व नागरिक उपस्थित होते.