ठळक मुद्देपेरु संघाने सामन्याच्या सामन्याच्या 18व्या मिनिटाला गोल लगावला आणि ऑस्ट्रेलियाला पिछाडीवर ढकलले.
मॉस्को : आतापर्यंत फुटबॉल विश्वचषकामध्ये एकही सामना न जिंकलेल्या पेरु संघाने मंगळवारच्या लढतीत ऑस्ट्रेलियाला पहिल्या सत्रातच धक्का दिला. पेरु संघाने सामन्याच्या सामन्याच्या 18व्या मिनिटाला गोल लगावला आणि ऑस्ट्रेलियाला पिछाडीवर ढकलले. पेरु संघाच्या आंद्रे कोरिल्लोने संघासाठी पहिल्या सत्रात एकमेव गोल केला.
आतापर्यंत पेरुला एकही सामना जिंकता आलेला नाही, त्यामुळे हा सामना जिंकूनही त्यांना बाद फेरीत पोहोचता येणार नाही. पण ऑस्ट्रेलियाने मात्र हा सामना जिंकला तर त्यांना बाद फेरीत पोहोचता येऊ शकते. पण जर ऑस्ट्रेलियाला या सामन्यात बरोबरी साधता आली तर त्यांचे बाद फेरीत जाणे कठिण ठरू शकते.