'तुंबाड २'च्या प्रदर्शनाची तारीख जाहीर; 'हस्तर' पुन्हा एकदा थिएटर्समध्ये प्रलय आणणार!

सोहम शाहने 'तुंबाड २'मध्ये पौराणिक कथा आणि थरार यांचा अधिक सखोल आणि भव्य अनुभव देण्याचे आश्वासन दिले आहे.

बॉलिवूडच्या सर्वोत्तम हॉरर थ्रिलर चित्रपटांपैकी एक म्हणजे 'तुंबाड' (Tumbbad). 'तुंबाड' हा सिनेमा २०१८ मध्ये प्रदर्शित झाला होता.

'तुंबाड' या सिनेमातील हस्तर या राक्षासामुळे प्रेक्षकांना अक्षरश: खिळवून ठेवलं होतं. २०१८ मध्ये 'तुंबाड'ने बॉक्स ऑफिसवर ७ कोटींची कमाई केली होती.

त्यानंतर 'तुंबाड' पुन्हा २०२४ मध्ये प्रदर्शित झाला. पुन्हा प्रदर्शित केल्यानंतर प्रेक्षकांनी पुन्हा तितकंच प्रेम सिनेमाला दिलं.

सोहम शाहची प्रमुख भूमिका असलेल्या या चित्रपटाने बॉक्स ऑफिसवर सुमारे ४० कोटींची कमाई करत एक मजबूत कलेक्शन मिळवले.

'तुंबाड' पुन्हा प्रदर्शित झाल्यावर मिळालेल्या अभूतपूर्व प्रतिसादामुळे सोहम शाहने सिक्वेलची घोषणा केली.

'तुंबाड'च्या सिक्वेलची घोषणा झाल्यापासून चाहत्यांची उत्सुकता शिगेले पोहचली होती. आता या बहुप्रतिक्षित 'तुंबाड'च्या सिक्वेलबद्दल एक मोठे अपडेट समोर आले आहे.

निर्मात्यांनी अधिकृतपणे 'तुंबाड २' (Tumbbad 2 Release Date Announced) हा पुढील वर्षी ३ डिसेंबर २०२७ रोजी रिलीज होणार असल्याची घोषणा केली आहे.

'तुंबाड २'मध्ये बॉलिवूडचा प्रसिद्ध अभिनेता नवाझुद्दीन सिद्दीकी झळकणार आहे.

विशेष म्हणजे 'तुंबाड'च्या पहिल्या भागातही नवाझुद्दीन झळकणार होता. परंतु त्यावेळी काही कारणास्तव नवाझुद्दीनला काम करता आलं नाही. त्यामुळे नवाझुद्दीनची ही इच्छा 'तुंबाड २' मध्ये पूर्ण झालीये.

तसेच 'माझ्या नवऱ्याची बायको' मालिकेतून घराघरात पोहोचलेली अनिता दाते आता 'तुंबाड २' मध्ये दिसणार आहे.