बॉलिवूडची मस्तानी दीपिका पादिकोण आणि बॉलिवूडचा बाजीराव रणवीर सिंहच्या लग्नाच्या चर्चांना उधाण आलं असून अवघ्या काही तासांतच हे दोघे लग्नाच्या बेडीत अडकणार आहेत. संपूर्ण बॉलिवूड आणि फॅशन इंडस्ट्रिच्या नजरा मात्र दीपिकाच्या लीककडेच खिळल्या आहेत. प्रत्येकालाच जाणून घेण्याची इच्छा आहे की, ही बॉलिवूडची ब्युटी क्विन आपल्या लग्नामध्ये काय परिधान करणार आहे, ती मेकअप कसा असणार आहे? ती कोणते दागिने रिधान करणार आहे? यांसारख्या अनेक प्रश्नांची चर्चा सगळीकडे होताना दिसत आहे. परंतु आज आम्ही तुम्हाला काही ब्युटी ट्रेन्ड्सबाबत सांगणार आहोत. जे दीपिका नेहमी कॅरी करताना दिसून येते. जाणून घेऊयात अशा दीपिकाच्या अशा काही ब्युटी लूक्सबाबत जे बॉलिवूडमध्ये अजूनही ट्रेन्ड करत आहेत.
स्ट्रेट आणि वेट हेअर्स
वेट हेअर म्हणजेच ओले केस हा ट्रेन्ड हॉलिवुड सेलिब्रिटींमध्ये फेवरेट ट्रेन्ड आहे. बॉलिवूडमध्ये हा ट्रेन्ड दीपिकाने यशस्वीपणे फॉलो केला. सिल्क पोनीटेलपासून मोकळ्या केसांपर्यंतच्या दीपिकाच्या लूक्सप्रमाणेच तिने स्ट्रेट आणि वेट हेअर्स लूकने सर्वांना घायाळ केलं आहे.
बोल्ड लिप कलर
बोल्ड लिपस्टिक कॅरी करणं प्रत्येकालाच जमत नाही. परंतु दीपिका वेळोवेळी हा लूक आत्मविश्वासाने कॅरी करताना दिसून आली आहे. मरसाला कर्लसपासून ते ब्राइट रेड कलरपर्यंत ती नेहम लिपस्टिक्सचे हे कलर्स वापरताना दिसते.
दीपिकाची आंबाड्याची हेअरस्टाइल
दीपिका पादुकोणची सर्वात कॉमन हेअरस्टाइल म्हणजे तिची आंबाड्याची हेअरस्टाइल. तिला देखील ही हेअरस्टाइल फार आवडते. दीपिकाच्या या हेअरस्टाइलमध्येही अनेकदा नाविण्य दिसून येतं.
आयशॅडो
दीपिका पादुकोण फक्त आपल्या लूक्ससाठीची नाही तर आपल्या मेकअपसाठीही ओळखली जाते. खासकरून ती आयशॅडोसोबत एक्सपिरिमेंट करताना दिसून येते. रेड स्मोकी आय लूक असो किंवा ग्रीन आयशॅडो. दीपिका प्रत्येकवेळी आयशॅडोबाबत नवीन ट्रेन्ड सेट करताना दिसून येते.
लांब केस
ब्राइड-टू-बी दीपिका पादुकोनला लांब केस फार आवडतात. केस मोकळे सोडणं असो किंवा वन साइड हेअर स्टाइल करणं. दीपिका आपल्या केसांबाबत नेहमी एक्सप्रिमेंट करताना दिसून येते.