साक्रीतील डॉक्टर व वसतीगृह कर्मचाऱ्यांवर कारवाई करा

धुळे : महिला शक्ती संघटनेचे जिल्हाधिकाऱ्यांना निवेदन

लोकमत न्यूज नेटवर्कधुळे : साक्री शहरातील सावित्रीबाई फुले आदिवासी मुलींच्या वसतीगृहात मुलींच्या सुरक्षिततेबाबत हलगर्जीपणा करणाºया डॉक्टर व वसतिगृहातील कर्मचाºयांवर कारवाई करण्यात यावी, अशी मागणी विरांगना झलकारीबाई (कोळी) स्त्री शक्ती सामाजिक संस्था व महिला शक्ती संघटना, साक्री यांच्यातर्फे करण्यात आली आहे.याबाबत संघटनांतर्फे जिल्हाधिकाºयांना निवेदन देण्यात आले आहे. साक्री शहरात एका मुलीने वसतीगृहात टॉयलेटमध्ये बाळाला जन्म दिला व त्या बाळाला कचराकुंडीत टाकून देण्यात आले. ही घटना अतिशय निंदनीय व संतापजनक असून यामुळे वसतीगृहातील मुलींच्या सुरक्षिता चव्हाट्यावर आली आहे. त्यामुळे यातील दोषी डॉक्टर व कर्मचाºयांवर कारवाई करण्यात यावी, अशी मागणी विरांगना झलकारीबाई स्त्री शक्ती सामाजिक संस्थेच्या गितांजली कोळी, महिला शक्ती संघटनेच्या जोशिला पगारिया, संगिता सैंदाणे, सुनित चौधरी, मालती सूर्यवंशी आदींनी केली आहे.