Dhule News | Latest Dhule News in Marathi | Dhule Local News Updates | ताज्यबातम्या धुळे | धुळे समाचार | Dhule Newspaper

ऑनलाइन लोकमतशिरपूर, दि. २४ - बैलांप्रति कृतज्ञता व्यक्त करणारा शेतकऱ्यांचा महत्वाचा सण म्हणजे पोळा़. दरवर्षी शेतकऱ्यांवर कोसळणारे अस्मानी संकटांमुळे शेतकरी पार खचलेला आहे. यंदा पोळा सणाच्या पार्श्वभूमीवर शहरातील बाजारपेठेत बैलांचा साज विक्रीसाठी दुकाने थाटली आहेत. मात्र यंदा पावसाने मारलेल्या दडीमुळे शेतकऱ्यांची पिके सुकण्यावर आली आहेत. तर काही शेतकऱ्यांकडे पाणी असतानाही विद्युत पुरवठ्याअभावी यावर्षीचा पोळा सणावर दुष्काळाचे सावट दिसून येत आहे़शहरातील मुख्य बाजारपेठेत साज विक्रेत्यांनी दुकाने थाटली आहेत तर किरकोळ विक्रेत्यांनी सुध्दा रस्त्याच्या दुर्तफा दुकाने लावली आहेत़ मात्र, खरेदी करणाऱ्या शेतकऱ्यांची प्रतीक्षा करावी लागत असताना कोणीही त्यांच्याकडे फिरकून पाहत नसल्याचे व्यापाऱ्यांनी सांगितले़पाहिजे त्या प्रमाणात विक्री नाहीपुढील आठवड्यावर पोळा सण येऊन ठेपलेला असताना अद्याापपर्यंत पाहिजे त्या प्रमाणात विक्री झाली नसल्याचे सांगण्यात आले़ शेतकऱ्यांकडे साज खरेदीसाठी पैसा नसल्यामुळे बाजारात शुकशुकाट दिसत आहे़ परतीचा पाऊस सुरू होवून ही तालुक्यात अद्याप पावसाने पाहिजे तशी हजेरी लावलेली नाही़.समाधानकारक पाऊस नाहीयंदा सरासरीच्या ६१ टक्केच पाऊस आतापर्यंत झाला आहे़ गेल्या १५ वर्षात सर्वात कमी पाऊस यंदा झाला आहे़ कमी पाऊस झाल्यामुळे शेतकऱ्यांच्या तोंडाचे पाणी पळाले आहे. पोळा सणात सरासरी ६० टक्केव्यवसाय होत असल्याचे सांगण्यात आले, मात्र यंदा निम्मे देखील होणार नसल्याचे विके्रेत्यांनी सांगितले़ दिवसात पोळ्याच्या सणाच्या साहित्य खरेदीसाठी शेतकऱ्यांची गर्दी होईलअशी आस धरून व्यापारी व विक्रेते बसले आहेत़पोळाच्या सणाच्या खर्चात काटकसरशेतात वर्षभर राबणाऱ्या आपल्या सर्जा-राजाचा पोळा सण शेतकरी पारंपरिक पद्धतीने मोठ्या उत्साहात साजरा करतात़ कितीही अडचण असली तरी या सणात शेतकरी कसर करत नाही़ यंदा, मात्र खरीप हंगामातील पीक शेतकऱ्यांच्या हाती न लागल्याने सणाच्या खर्चात काटकसर सुरू झाली आहे़शेतकरी आर्थिक अडचणीत४यापूर्वी पोळा सणाच्या १२-१५ दिवस आधी बाजारात विविध साहित्य खरेदीसाठी शेतकरी बांधव मोठी गर्दी करीत होते. यंदा मात्र दुष्काळी परिस्थितीमुळे खरीप हंगाम मातीमोल झाल्याने शेतकरी आर्थिक अडचणीत आला आहे़ याचा मोठा परिणाम बाजारपेठेवर झाला आहे. दुकानदार ग्राहकांच्या प्रतीक्षेत आहेत़ बाजारात बैल सजविण्यासाठी लागणारी झूल, गोंडे, घुंगरमाळा, शेंबी, बाशिंग, रंग, मोरखी, कासरा, कवड्यांची माळ, घोगर, घाटी हिंगूळ आदी वस्तू विविध रंगात व डिझाईनमध्ये उपलब्ध आहेत़ दरात कोणतेही वाढ झालेली नाही़ दोर जोडीची किंमत ६० ते १२० रूपये, नाथ ४०-१०० रूपये, शिरदे ५०-१०० रूपये, मोरखी ५० ते १०० रूपये, गोंडे ४०-१८० रूपये जोडी तर रंगाची लहान डबी २५ ते ७० रूपयास विक्रीला आहे़ या वस्तु खरेदीसाठी मात्र शेतकरी बाजारपेठेत पाठ फिरविली आहे.४बाजारपेठेतील मंदीमुळे बैल पोळ्यासाठी लागणाऱ्या विविध वस्तुंच्या दरात विशेष दरवाढ झालेली नाही़ सुताचे दर आहे तेच राहिल्याने त्यापासून बनविलेल्या वस्तुंचे दरही जैसे थे च आहे़ दुष्काळात होरपळणाऱ्या शेतकऱ्यांना मात्र हेच दर डोईजड झाले आहेत़.दुष्काळामुळे बाजारात मंदी आहे़ दरवर्षीच्या तुलनेत यंदा माल खरेदीसाठी शेतकऱ्यांचा प्रतिसाद मिळेना़ पोळा सणासाठी लागणारे साहित्याची दुकाने सजली आहेत़ मात्र खरेदीसाठी ग्राहक नाहीत़ मागील वर्षीच्या तुलनेत यंदा आतापर्यंत कमी विक्री झाली आहे़ खरेदी केलेल्यापैकी अद्यापपर्यंत २२ टक्के मालाचीही विक्री झालेली नाही़ येत्या ३-४ दिवसांत ग्राहकांचा प्रतिसाद मिळेल अशी अपेक्षा आहे़- शिरीष धाकड, विक्रेतीपोळ्याच्या तोंडावर गत तीन वर्षापासून दुष्काळसदृश परिस्थिती राहत असल्याने बैलांचा चांगला साज खरेदी करून त्यांच्याप्रति कृतज्ञता व्यक्त करण्याची इच्छा अपुरी राहते़ इच्छा असतांनाही पाहिजे त्या प्रमाणात बैलांना सजविण्यात येत नाही, याचे दु:ख आहे़- उज्वल निकम,प्रगतीशील शेतकरी थाळनेरे

Dhule (Marathi News)