कोरोनाची दुसरी लाट थोपविण्यासाठी सज्ज व्हा

पोलिस अधिक्षक चिन्मय पंडीत यांची पोलिस पाटील यांना सुचना

शिरपुर : कोरोनाच्या दुसºया लाटेला सुरूवात झाली आहे. जिल्ह्यात रोज रूग्णांचा आकडा वाढत आहे. संपुर्ण जगात गंभीर परिस्थिती निर्माण झाली आहे. अशा परिस्थितीत ग्रामीण भागात मास्क वापरण्याचे प्रमाण अल्प आहे. लग्न कार्यात कोरोनाचा जास्त प्रसार होत आहे. म्हणुन गर्दीच्या ठिकाणी कार्यवाही करा. तर सर्वांना स्वत:च्या सुरक्षेसाठी मास्क वापरण्यासाठी जनजागृती करा. तर पन्नास पेक्षा जास्त वय असलेल्या लोकांनी गर्दीच्या ठिकाणी जाऊ नये. ग्रामीण भागात पोलिस पाटील महत्वाचा दुवा असुन त्यांना मोठी जबाबदारी आहे. कुठल्याही परिस्थितीत कोरोनाची दुसरी लाट थोपवायची आहे. अशी सुचना पोलिस अधिक्षक चिन्मय पंडित यांनी पोलिस पाटील यांना मार्गदर्शन करतांना केली़

थाळनेर पोलिस स्टेशन येथे पोलिस अधीक्षक चिन्मय पंडीत यांनी वार्षिक तपासणी निमित्ताने भेट दिली. यावेळी थाळनेर पोलिस स्टेशन हद्दीतील पोलिस पाटील यांची बैठक घेण्यात आली. यावेळी पोलिस अधिक्षक चिन्मय पंडीत, उपविभागीय पोलीस अधिकारी अनिल माने, पोलिस अधिक्षक यांचे राईटर प्रकाश पाटील, थाळनेर पोलिस ठाण्याचे सहाय्यक पोलिस निरीक्षक सचिन साळुंखे, पोलिस उपनिरीक्षक नवनाथ रसाळ यांच्यासह महाराष्ट्र राज्य गाव कामगार पोलिस पाटील संघटनेच्या वतीने धुळे जिल्हा अध्यक्ष छोटुलाल पाटील तोंदे, थाळनेर झोन अध्यक्ष नितीन जाधव बभळाज, मोतीलाल परदेशी हिसाळे, जितेंद्र चौधरी वाठोडा, पोलिस पाटील सौ.सुरेखा जाधव भोरटेक, सौ. रुपाली बैसाणे मांजरोद आदी उपस्थित होते़

मास्क वापरल्याने ७० टक्के संरक्षण मिळते. लोकांना आता लॉकडाऊन नको असेल तर काळजी घ्या़ स्वताची काळजी स्वत: घ्या़ पोलिस प्रशासन काम करीत आहे. तरी जबाबदार नागरिक म्हणुन आपली देखील काही कर्तव्य आहेत. जेष्ठ लोकांना शक्य तेवढी लवकर लस टोचुन घ्या असे चिन्मय पंडीत यांनी सांगितले.

याप्रसंगी हद्दीतील पोलिस पाटील यांनी वेगवेगळ्या समस्या मांडल्या़ त्यात वेळेवर मानधन मिळावे. कोरोना लससाठी पोलिस पाटील यांना प्राधान्य द्यावे. समस्या मांडल्यावर पोलिस अधिक्षक यांनी समस्या लवकर मार्गी लावण्याची ग्वाही दिली.

कार्यक्रमाचे सुत्रसंचालन, प्रास्ताविक व आभार पिंप्रीचे पोलिस पाटील जयपालसिंह गिरासे यांनी केले. तर कार्यक्रमाच्या यशस्वितेसाठी पोलिस कर्मचारी व पोलिस पाटील बांधव यांनी परिश्रम घेतले. यावेळी पोलिस पाटील बांधव मोठ्या संख्येने उपस्थित होते.